بيىلدان باستاپ مۇگەدەكتىك بويىنشا جاردەماقى كولەمى ارتادى
سونىمەن قاتار اقپاراتتىق جۇيەلەر ارقىلى ءبىر ءوتىنىم بويىنشا مۇگەدەكتەر ءۇشىن بىرنەشە مەملەكەتتىك قىزمەتتەردىڭ ناتيجەلەرىن الۋ مۇمكىن بولادى.
بۇنىڭ الدىندا حابارلاعانىمىزداي، ق ر دەنساۋلىق ساقتاۋ جانە الەۋمەتتىك دامۋ مينيسترلىگى حالىققا الەۋمەتتىك قىزمەت كورسەتۋ جۇيەسىن ارى قاراي رەفورمالاۋ اياسىندا 2025 -جىلعا دەيىن ارنايى الەۋمەتتىك قىزمەت كورسەتۋدىڭ بىرىكتىرىلگەن مودەلىن ەنگىزۋدى جوسپارلاپ وتىر.
جاڭا مودەل اياسىندا مۇقتاج ادامدار مەن ولاردىڭ وتباسىلارىنا جەكە جانە كەشەندى قامقورشىلىق ۇستانامى جۇزەگە اسىرىلادى. ول ءۇشىن ءبىلىم بەرۋ، دەنساۋلىق ساقتاۋ جانە الەۋمەتتىك قورعاۋ جۇيەلەرىنىڭ، سونداي-اق باسقا دا سالالاردىڭ الەۋمەتتىك جۇمىسشىلارىنىڭ قىزمەتىن ۇيلەستىرۋ تەتىگى جاسالماق. بۇل ءوز كەزەگىندە «ءبىر تەرەزە» ارقىلى مۇقتاج ادامدارعا الەۋمەتتىك قىزمەتتەر كورسەتۋگە مۇمكىندىك بەرەدى.
قازىرگى كەزدە ساۋىقتىرۋدىڭ تەحنيكالىق تاسىلدەرى تىزبەسىن وزەكتەندىرۋ ءۇشىن ۇسىنىستاردى جاساۋ تۇرعىسىندا ءتيىستى شارالار اتقارىلۋدا.
اۆتور: جاسۇلان جولدىبايەۆ
