سپورتقا قايتا كەلگەن ەمەليانەنكو تەحنيكالىق نوكاۋتپەن جەڭىسكە جەتتى

استانا. قازاقپارات - سپورتقا قايتا كەلگەن رەسەيلىك فەدور ەمەليانەنكو ءۇندىنىڭ سپورتشىسى جايديپ سينگحانى تەحنيكالىق نوكاۋتپەن جەڭدى، - دەپ حابارلايدى Vesti.kz.

جەكپە-جەك جاپونيادا Rizin Fighting World Grand Prix تۋرنيرىنىڭ اياسىندا ءوتتى جانە ءبىر عانا راۋندقا سوزىلدى. ەمەليانەنكو ءبىرىنشى سەكۋندتاردا بىرنەشە رەت ءساتتى سوققى جاسادى. وسىدان كەيىن ءۇندىستىڭ قاباعى جارىلدى.

39 جاستاعى ەمەليانەنكو ءۇشىن بۇل 2012-جىلدان بەرگى ءبىرىنشى جەكپە-جەگى. سول كەزدە اڭىزعا اينالعان سپورتشى مانساپ جولىنىڭ اياقتالعانىن ايتىپ ەدى، الايدا بيىل قىركۇيەكتە سپورتقا قايتا ورالاتىنىن مالىمدەدى. ەندى ونىڭ قورجىنىندا 41 جەكپە-جەگىندە 36 جەڭىسى بار.