قالىڭ جاۋعان قار تۇركيالىقتاردى ابىگەرگە سالدى

استانا. قازاقپارات - تۇركيانىڭ ىستامبۇل قالاسىندا قالىڭ جاۋعان قاردىڭ كەسىرىنەن جۇزدەگەن ۇشاق رەيسى كەيىنگە شەگەرىلدى.

 ءبىر عانا Turkish Airlines اۋە كومپانياسى ىستامبۇل قالاسىنان ۇشۋعا ءتيىس 343 رەيستى كەشىكتىردى. دىتتەگەن جەرىنە جەتە الماعان جولاۋشىلار اۋەجاي عيماراتىندا تۇنەۋگە ءماجبۇر. سونداي- اق جەرگىلىكتى اقپارات قۇرالدارى 32 پروۆينتسياداعى مەكتەپتىڭ جۇمىسى توقتاعانىن حابارلادى. بيلىك باسىنداعىلار تۇرعىندارعا بەيمەزگىل ۇيدەن شىقپاۋعا كەڭەس بەرىپ، جولداردى تازالاۋ ءۇشىن بار كۇشتەرىن سالىپ جاتقانىن ايتتى.

www.24.kz