جاڭا جىل قارساڭىندا لاڭكەستىك اكتى جاساماقشى بولعان ەر ادام ۇستالدى
وعان قازىردىڭ وزىندە ايىپتاۋلار تاعىلدى. بۇل تۋرالى ا ق ش ادىلەت مينسترلىگى حابارلادى. وندا لاتچمان «يسلام مەملەكەتىنىڭ» جاقتاسى بولعان دەگەن پايىمداۋ جاسالدى.
«ايىپتاۋ قورىتىندىسىنا سايكەس، ەامانۋەل لاتچمان يگيل-گە (ي م بۇرىنعى اتاۋى) ماتەريالدىق قولداۋ كورسەتۋگە تىرىسقان، ول جاڭا جىل قارساڭىندا وسى لاڭكەستىك ۇيىمى اتىنان كىناسىز بەيبىت تۇرعىنداردى ولتىرۋگە بەل بايلاعان»، - دەپ مالىمدەدى ا ق ش باس پروكۋرورىنىڭ كومەكشىسى دجون كارلين.
الايدا قۇقىق قورعاۋ ورگاندارى قاسكويدى دەر كەزىندە قولعا ءتۇسىردى، دەپ حابارلادى ت ا س س. تەرگەۋ مالىمەتتەرى بويىنشا، ۇستالعان ادام شەتەلدەن بەلگىسىز ي م مۇشەسىنەن نۇسقاۋ العان جانە 31- جەلتوقساندا روچەستەردە ورنالاسقان بارلاردىڭ نەمەسە مەيرامحانالاردىڭ بىرىندە كەلۋشىلەرگە قارۋلى شابۋىل جاساماق بولعان. ول سونداي-اق تاياۋ شىعىسقا اتتانىپ، يسلامشىلارعا دا قوسىلماق بولعان. ەندى وعان 20 جىل مەرزىمگە تۇرمەدەن وتىرۋ، سونداي-اق 250 مىڭ دوللار مولشەرىندە ايىپپۇل تولەۋ قاۋپى ءتونىپ تۇر.
