قىتاي ەكىنشى اۆيانوسەتس جاسايتىنى تۋرالى جاريالادى
«شينحۋا مەملەكەتتىك اقپاراتتىق اگەنتتىگى ەلدىڭ قورعانىس ءمينيسترىنىڭ ءسوزىن كەلتىرگەن، ونىڭ ايتۋىنشا، قىتايدىڭ سولتۇستىك-شىعىسىنداعى داليان كەمە جاساۋ ۆەرفىندە سۋ سىيىمدىلىعى 50 مىڭ توننالىق كەمە جۇمىستارى باستالعان.
اسكەري-تەڭىز كۇشتەرى ءۇشىن جاڭا كەمە جاساۋدا قىتايلىق تەحنولوگيا عانا پايدالانىلادى، دەدى قورعانىس مينيسترلىگىنىڭ وكىلى.
قازىرگى كەزدە قىتاي ا ت ك- دە جالعىز عانا «لياونين» اۆيانوسەتسى بار. ول ۋكراينادان 1998-جىلى ساتىپ الىنعان «ۆارياگ» كرەيسەرىنىڭ بازاسىندا جاسالعان. جاپون جانە وڭتۇستىك قىتاي تەڭىزدەرىندەگى ارالدار توبىنىڭ ايماقتىق كىمگە جاتاتىنى تۋرالى مەملەكەتارالىق داۋلار جاعدايىندا قىتاي اسكەري-تەڭىز كۇشتەرىنىڭ قۋاتىن ارتتىرا تۇسۋدە.
