سولتۇستىك پوليۋس ەرىدى

استانا. قازاقپارات - سولتۇستىك اتلانتيكاداعى قۋاتتى داۋىل ارتيكادا جىلى اۋا ماسساىن كوتەردى، بۇل رەكوردتىق جىلىنۋعا اكەپ سوقتى - ءبىرقاتار ۋاقىت سولتۇستىك پوليۋستەگى تەمپەراتۋرا نولدەن جوعارى كوتەرىلدى.

بۇل تۋرالى The Washington Post حابارلادى.

30- جەلتوقساندا سولتۇستىك پوليۋس اينالاسىنداعى وراسان زور اۋماقتا تەمپەراتۋرا سەلسي بويىنشا مينۋس ءبىر مەن پليۋس ءبىر جارىم گرادۋستىڭ اراسىندا قۇبىلىپ تۇردى. سولتۇستىك ەندىكتىڭ 87،45 گرادۋس ەندىگىندە ورنالاسقان باكەن 64760 دە ەڭ جوعارى - 0،7 گرادۋستى كورسەتتى.

مۇنداي انوماليالىق جاعداي ەكى قۋاتتى اۋا رايى قۇبىلىسىنىڭ ارقاسىندا تۋىندادى. ا ق ش پەن سولتۇستىك ەۋروپا بويىنشا جۇرەتىن تومەنگى قىسىم جۇيەسى (سيكلون) سىبىردەگى جوعارى قىسىم جۇيەسى (انتيسيكلون) جىلى جەرورتاتەڭىزدىك اۋانى سولتۇستىك پوليۋسكە ىعىستىرىپ شىعاردى.

دەگەنمەن قىستاعى سولتۇستىك پوليۋستەگى جىلى تەمپەراتۋرا - ۋاقىتشا قۇبىلىس، دەپ سەندىرەدى عالىمدار. اركتيكالىق مۇزداردىڭ جازدا ەرۋى بۇدان الدەقايدا قاۋىپتى. سولتۇستىك پوليۋستىڭ ەرۋىن جۋرناليستەر 2015-جىلدىڭ سوڭىنداعى تابيعاتتىڭ توسىن سىيى دەپ اتادى، بۇل باقىلاۋدىڭ بۇكىل تاريحىنداعى ەڭ جىلى قۇبىلىس بولدى، دەپ حابارلادى لەنتا. رۋ.

فوتو: earth.nullschool.net