عالىمدار: جومارتتىق ادام ءومىرىن ۇزارتادى

استانا. قازاقپارات - جومارتتىق ادام ءومىرىن ۇزارتادى. بۇنداي ەرەكشە مالىمدەمەنى بريتاندىق كولۋمبيا ۋنيۆەرسيتەتىنىڭ عالىمدارى جاسادى.

ولاردىڭ ايتۋىنشا، تۋىس-تۋعاندارعا ءجيى سىيلىق الۋ نەمەسە قارجىلاي كومەكتەسۋ قان قىسىمىن تومەندەتەدى.

بۇعان دەيىن عالىمدار قايىرىمدىلىققا قارجى جۇمساۋ باقىتقا بولەيتىنىن انىقتاعان بولاتىن. ال ونىڭ دەنساۋلىققا اسەرى بار ما، جوق پا ول جاعى بەلگىسىز ەدى. كانادا عالىمدارى بۇل سۇراقتىڭ جاۋابىن شەشۋگە بەل بايلادى.

تاجىريبەگە 65-85 جاس ارالىعىنداعى 128 ەرىكتى قاتىستى. ولاردى ەكى توپقا ءبولىپ، اپتا سايىن 40 دوللاردان بەرىپ وتىردى. ءبىرىنشى توپتاعى ادامدار بەرگەن اقشانى ءوز پايدالارىنا جۇمساسا، ەكىنشى توپ ول قارجىنى باسقا بىرەۋلەرگە جۇمساۋى ءتيىس بولدى.

ماماندار تاجىريبە الدىندا بارلىق قاتىسۋشىلاردىڭ دەنساۋلىعىن قاراپ شىعادى. زەرتتەۋ سوڭىندا بەلگىلى بولعانداي، ەكىنشى توپتاعى ادامداردىڭ قان قىسىمى ايتارلىقتاي تومەندەگەنى بايقالدى. زەرتتەۋ اۆتورلارىنىڭ ايتۋىنشا، ەڭ جاقسى ناتيجە قان قىسىمى جوعارى ادامداردا بولعان. ولاردىڭ تاجىريبە كەزىندە ەشقانداي ءدارى-دارمەكسىز قان قىسىمى تومەندەپ، قالىپقا كەلە باستاعان.