قاراعاندىدا ادەبيەت تارلاندارىنىڭ كىتاپتارىنان شىرشا جاسالدى

استانا. قازاقپارات - قاراعاندىدا ەرەكشە شىرشا پايدا بولدى. گوگول اتىنداعى وبلىستىق كىتاپحانانىڭ قىزمەتكەرلەرى جاڭاجىلدىق شىرشانى كىتاپتاردان جاسادى، دەپ حابارلادى www.24.kz.

ونىڭ باسىنداعى ادەتتەگى جۇلدىزدىڭ ورنىنا بايتەرەك ورناتتى. جاڭا جىلدىڭ باستى نىشانىن جاساۋعا ەكى مىڭعا جۋىق قازاق، ورىس جانە شەتەلدىك كلاسسيكتەردىڭ كىتاپتارى قولدانىلدى. شىرشاداعى وقۋلىقتاردىڭ تەڭ جارتىسى كىتاپحانا قورىندا قالادى، ال قالعانى ءداستۇرلى كىتاپحانا تۇنىندە وقىرماندارعا تاراتىلاتىن بولادى. «ادەبيەتپەن تۇنىپ تۇرعان شىرشا كوپشىلىكتىڭ سەلفي جاسايتىن سۇيىكتى جەرىنە اينالعان»، - دەيدى ەرەكشە اعاشتىڭ اۆتورلارى.

«كىتاپحانا جۇمىسكەرلەرى ءار كىتاپتى وقىرمانعا بەرۋگە تىرىسادى. جاس وقىرماندار بولسا سۋرەتكە ءتۇسىپ، ءتۇرلى الەۋمەتتىك جەلىلەرگە سالىپ قويادى. ءبىز ءۇشىن بۇل ۇلكەن قۋانىش، ەڭبەگىمىز ەش كەتپەدى»، - دەيدى ن. ۆ. گوگول اتىنداعى وبلىستىق كىتاپحانانىڭ ءبولىم مەڭگەرۋشى سۆەتلانا گولوۆكو.