16:57, 31 - جەلتوقسان 2015 | GMT +5
عالىمدار نارەستەنىڭ نەگە جىلاعانىن انىقتايتىن موبيلدى قوسىمشا ويلاپ تاپتى
استانا. قازاقپارات - ەستىمەگەن ەلدە كوپ. تايۆاندا عالىمدار نارەستەنىڭ نەگە جىلايتىنىن انىقتايتىن موبيلدى قوسىمشا ويلاپ تاپقان.
ول ءۇشىن ارنايى باعدارلاما جۇكتەلگەن سمارتفوندى ءسابيدىڭ قاسىنا اكەلسەڭىز بولعانى. جالپى بۇل قوسىمشا ءالى تولىق جەتىلدىرىلمەگەن. دەگەنمەن بۇگىنگى ناتيجەلەردىڭ ءازى دە جامان ەمەس، - دەيدى عالىمدار.
چان چۋان يۋي، عالىم:
- بۇل قوسىمشا بالانىڭ قارنى اشقاندا، ۇيقىسى كەلگەندە، ءبىر جەرى اۋىرىپ نەمەسە جورگەگىن اۋىستىراتىن كەزدە ارەكەت ەتەدى. ياعني نە ءۇشىن مازاسىزدانعانىن بىلۋگە بولادى. وكىنىشكە وراي، نارەستە وسكەن سايىن جۇيەنىڭ دالدىگى تومەندەي باستايدى.
www.24.kz
