قازاقستاندىق اۋىراتلەتتەر ليتسەنزيادان ايىرىلمايدى - فەدەراتسيا
«حالىقارالىق اۋىر اتلەتيكا فەدەراتسياسىنىڭ جاسۇلان قىدىربايەۆتى، ەرمەك ءومىرتايدى جانە الماس وتەشوۆتى شەتتەتۋى ۋاقىتشا. قازاقستاندىق تاراپتىڭ جاساعان ۇندەۋىنە ح ا ا ف وكىلدەرى تارتىپتىك كوميسسيانىڭ شاقىرىلۋى مۇمكىن ەكەندىگىن، سول كوميسسيانىڭ قازاقستاندىق اۋىراتلەتتەردى ديسكۆاليفيكاتسياعا ۇشىراتۋ نەمەسە ۇشىراتپاۋ تۋرالى شەشىم قابىلدايتىنىن ايتىپ، جاۋاپ قاتتى. ءوز كەزەگىندە تارتىپتىك كوميسسيا قازاقستاندىق تاراپتىڭ باستاماسىمەن قاي كەزدە بولسا دا شاقىرىلۋى مۇمكىن نەمەسە ح ا ا ف ءبىرىنشى جوسپارلى شاراسىنىڭ بارىسىندا جينالۋى مۇمكىن»، - دەلىنگەن حابارلامادا.
ەسكە سالايىق، حالىقارالىق اۋىر اتلەتيكا فەدەراتسياسى (IWF) قازاقستاندىق اۋىراتلەتتەر الماس وتەشوۆ، جاسۇلان قىدىربايەۆ جانە ەرمەك ءومىرتايدى دوپينگ قولداندى دەپ ايىپتاپ، ۋاقىتشا شەتتەتكەن بولاتىن.
