قازاقستاننىڭ قورعانىس مينيسترلىگى جاڭا جىل تۇنىندەگى اسكەري ۇشقىشتاردىڭ قىزمەتى تۋرالى روليك ءتۇسىردى - فوتو، كەسكىن

استانا. قازاقپارات - بۇگىن، 31- جەلتوقسان كۇنى بۇكىل الەم جاڭا 2016-جىلدى قارسى الۋعا دايىندالۋدا. الايدا، قازاقستاننىڭ بارلىق كازارمالارىمەن قاتار ءاربىر شاڭىراقتا مەرەكەلىك داستارحان جايىلىپ جاتسا، جاڭا جىلدىق تۇندە وتە ماڭىزدى جانە كۇردەلى ميسسيا، ياعني، جاۋىنگەرلىك كەزەكشىلىكتى اتقاراتىندار دا بار.

ق ر ق م باسپا ءسوز قىزمەتىنىڭ حابارلاۋىنشا، قازاقستاننىڭ قارۋلى كۇشتەرىندە ناريادتار مەن قاراۋىلدار مەرەكە كۇنى دە وتكەرىلەدى. وتانداستارىمىز جاڭا جىلدى الاڭسىز مەرەكەلەۋ ءۇشىن، ەلىمىز بەن حالقىمىز سەنىمدى كۇزەت پەن قورعاۋدا بولۋى ءۇشىن اسكەري قىزمەتشىلەر جەردە جانە اۋەدە وزدەرىنىڭ قىزمەتتەرىن جالعاستىرۋدا.

بيىلعى جىلى العاش رەت جاڭا جىل قارساڭىندا ق ر ق ك ا ق ك اسكەري-اۋە كۇشتەرىنىڭ ۇشقىشتارى جاۋىنگەرلىك كورابلدىڭ شتۋرۆالى استىندا مەرەكەنى قارسى الۋ جانە كوك اسپاندا ۇشۋ ارقىلى ەلدى قۇتتىقتادى.

ءداستۇر بويىنشا جىل سايىن جاڭا جىلدا بولىمشە كومانديرلەرى اسكەري قىزمەتشىلەرگە تىلەك-لەبىزدەرىن ءبىلدىرىپ جاتاتىنىن ايتا كەتكەن ءجون. جاڭا جىلدىق ابىر-سابىر، كۇيبەڭ تىرشىلىككە قاراماستان، قازاقستاندىق ارميانىڭ اسكەري بولىمدەرىندە ۇيدەگىدەي جايلى بولۋ ءۇشىن مەرەكەلىك كوڭىل-كۇي سىيلاۋعا تىرىسادى.

тырысады.