تابيعات تامىرشىسى كەلەر جىلعى اۋا رايىنا بولجام جاسادى

استانا. قازاقپارات -  بۇل زاماندا مۇناي باعاسىن ەمەس، تابيعاتتىڭ مىنەزىن بولجاۋ وڭاي بولىپ تۇر. وڭتۇستىك قازاقستان وبلىسىندا تۇراتىن نۇرقابىل قوزىبايدى ءوڭىر تۇرعىندارى تابيعات تامىرشىسى دەپ اتايدى. ونىڭ الداعى ۋاقىتتا اۋا رايىنىڭ قالاي وزگەرەتىنىن بولجاپ ايتقاندارى ايداي انىق كەلىپ جاتادى.

 ەل «قۇبىلمالى كەلەدى» دەپ ايتاتىن مەشىن جىلى تابيعاتتىڭ قانشالىقتى وزگەرىپ تۇراتىنىن ءبىز دە سۇراپ كورگەن ەدىك. تەك وڭتۇستىك وڭىرگە قاتىستى عانا تۇسىنىكتەمە الدىق.

 32 جىلدان بەرى تابيعات قۇبىلىسىن داپتەرىنە ءتىزىپ جازىپ، سوعان قاراپ جىل مەزگىلدەرىندەگى اۋا رايىنىڭ وزگەرىسىن انىق ايتا الاتىن تابيعات تامىرشىسى: «مەشىن جىلى قىس قاتتى بولۋى مۇمكىن»، -  دەيدى. ويتكەنى 12 جىلدا ءبىر رەت تابيعات ءوز «مىنەزىن» كورسەتەدى ەكەن. ادەتتە، مەشىننىڭ قىسى قاتال كەلەدى. بۇل بۇرىنعى زاماننان دالەلدەنگەن جايت. «ال كوكتەمنىڭ سوڭعى ايلارى ديقاندار ءۇشىن قولايلى بولا قويمايدى»، -  دەپ بولجاپ وتىر ول.

نۇرقابىل قوزىباي، اۋا رايىن بولجاۋشى - قاراشا جانە جەلتوقسان ايىندا دا جاۋىن- شاشىن كوپ تۇسۋدە. وسى دەرەكتەرگە سۇيەنەتىن بولساق، كەلەسى جىلى كوكتەمدە جاڭبىر از جاۋۋى مۇمكىن، الدىمىزداعى كوكتەم قۇرعاق بولادى.

www.khabar.kz