امەريكادا ەكى پوشتاشى حاتتاردى يەلەرىنە جەتكىزبەگەنى ءۇشىن سوتتالۋى مۇمكىن

 استانا. قازاقپارات - ايىپتالىپ وتىرعان پوشتا قىزمەتكەرى قاراشا ايىندا نيۋ- يورك قالاسىنىڭ كۆينس بولىگىنە اۋىستىرىلعان. الايدا، بۇل باعىتتا جەتكىزىلۋى ءتيىس قۇتتىقتاۋ حاتتار مەن سىيلىقتار كوپ بولىپ شىعادى. جاڭا قىزمەتكەر ءوز مىندەتىن اتقارۋدىڭ ورنىنا حاتتاردى قاپقا سالىپ قوقىس جاشىگىنە تاستاپ وتىرعان،

دەپ حابارلايدى newsru.com سايتى.

قازىر 25 جاستاعى دانيەل ءداربيدىڭ ءىسى سوتتا قارالۋدا. جاۋاپسىز قىزمەتكەر «حاتتاردى جويدى جانە ولاردى دەر كەزىندە جەتكىزبەدى» دەپ ايىپتالىپ وتىر. ويتكەنى، ونىڭ قوقىسقا تاستاعان حاتتار مەن سالەمدەمە قوراپتارى ەكى كۇننەن كەيىن تابىلعان. پوشتاشى كەيبىر سالەمدەمەلەردىڭ ىشىندەگىسىن الىپ قويعانى بەلگىلى بولدى، دەپ جازادى نيۋ يورك پوست گازەتى.

وسى كەزدە برۋكلين سوتى دا حاتپەن جىبەرىلگەن بانك كارتالارىن جانە 100 مىڭ ا ق ش دوللارىن ۇرلاعان تاعى ءبىر پوشتاشىنىڭ ءىسىن قاراپ جاتىر.

دجەيمس حەيدەن حاتتاردى اشىپ، ىشىندەگى سىيلىق كارتالارىن الىپ قويعانىن مويىنداپ وتىر. ونىڭ قىلمىسى Visa كارتاسىن ۇلىنا جىبەرگەن كەلىنشەكتىڭ شاعىمىنان كەيىن اشىلعان. پوليتسيا كەلىنشەك كورسەتكەن كارتانىڭ ءنومىرىن تەكسەرگەندە پوشتاشى ونداعى اقشاعا دۇكەننەن زات ساتىپ العانىن انىقتاپ، دۇكەندەردىڭ بىرىنەن بەينەباقىلاۋ كامەراسىنداعى ايعاق ۆيدەونى تاپقان. پوليتسيا كەيىن ونىڭ ءۇيىن ءتىنتۋ بارىسىندا وسىنداي بانك كارتالارى تولى ءاميان تاپتى.

 امەريكا پوشتاسىنىڭ ەكى قىزمەتكەرىنە زاڭ بويىنشا 5 جىلعا باس بوستاندىعىنان ايىرۋ جانە 250 مىڭ دوللار ايىپپۇل سالۋ قاراستىرىلعان. داربي 50 مىڭ دوللار كەپىلمەن بوساتىلدى، حايدەنگە 75 مىڭ دوللار كەپىل بەرۋ مىندەتتەلدى. ايىپتالۋشىلار مەن ولاردىڭ ادۆوكاتتارى تۇسىندىرمە بەرۋدەن باس تارتىپ وتىر.