08:34, 31 - جەلتوقسان 2015 | GMT +5
حالىقارالىق ۆاليۋتا قورىنىڭ جەتەكشىسى الەمدىك ەكونوميكانىڭ ءوسىمى كوڭىل كونشىتەرلىك ەمەس دەپ مالىمدەدى
استانا. قازاقپارات - حالىقارالىق ۆاليۋتا قورىنىڭ جەتەكشىسى كريستين لاگارد، ا ق ش- تىڭ پايىزدىق جارنا پەرسپەكتيۆاسىن ءوسىرۋى جانە قىتاي ەكونوميكاسىنىڭ باياۋلاۋى الەمدىك ەكونوميكانىڭ كەلەشەگى ءۇشىن بۇلىڭعىر جانە تونەر قاۋىپتىڭ باستى فاكتورلارى بولادى، دەپ وتىر.
ول ءوزىنىڭ بولجامىن نەمىستىڭ Handelsblatt ىسكەرلىك باسىلىمىنداعى ماقالاسىندا جاريا ەتتى.
الەمدىك ساۋدا ءوسىمىنىڭ قارقىنى باياۋلاۋى، شيكىزات باعاسىنىڭ قۇلدىراۋى شيكىزاتقا ەكسپورتتاۋعا تاۋەلدى ەلدەرگە قيىنشىلىق تۋدىرادى، دەپ اتاپ ءوتتى لاگارد. ونىڭ ويىنشا، كوپتەگەن ەلدەردە قارجى سەكتورى قازىر ءالسىز جانە دامىعان ەلدەردە دە قارجىلىق قاتەر ارتىپ كەلەدى، دەپ حابارلايدى رەسەيلىك ر ب ك اگەنتتىگى.
ح ۆ ق باسشىسىنىڭ مالىمدەۋىنشە، 2016 - جىلى جاھاندىق ءوسىم اركەلكى ءارى كۇتكەندەگىدەي بولمايدى.
«ا ق ش، ۇلى بريتانيانى قوسپاساق، باسقا دامىعان ەلدەر ەركىن مونەتارلىق ساياسات ۇستانادى. ف ر ج ءوسىمى جانە دوللاردىڭ كۇشەيۋى كورپوراتيۆتىك دەفولتتارعا ۇشىراتىپ، كەي ەلدەرگە جانە بانكتەرگە كەسىرىن تيگىزۋى مۇمكىن»، دەپ ەسەپتەيدى لاگارد.
