ورالدا «ءوز ولكەڭدى وزگەدەن بۇرىن تانى» اتتى كىتاپتىڭ تانىستىرىلىمى بولدى - فوتو
بيىل كۇزدە وسى اۋداندا قازاق حاندىعىنىڭ 550 جىلدىعىنا وراي «ءوز ولكەڭدى وزگەدەن بۇرىن تانى» اتتى عىلىمي- تانىمدىق كونفەرەنسيا وتكەن بولاتىن. ورالداعى «پوليگراف سەرۆيس» ج ش س باسپاحاناسىنان جارىق كورگەن اتالمىش كىتاپقا وسى كونفەرەنسيانىڭ ماتەريالدارى ەنگىزىلدى.
اتاپ ايتقاندا، تاريح عىلىمدارىنىڭ دوكتورى، پروفەسسور مۇرات سىدىقوۆ، تاريح عىلىمدارىنىڭ كانديداتى جاڭابەك جاقسىعاليەۆ، «جايىق پرەسس» ج ش س باس ديرەكتورى جانتاس سافۋللين، اقجايىق اۋدانىنىڭ قۇرمەتتى ازاماتى، ولكەتانۋشى، زەينەتكەر الەنعالي كەرەيتەگى جانە باسقالاردىڭ زەرتتەۋلەرى مەن وي- تولعامدارى ورىن العان.
كىتاپتىڭ تانىستىرىلىمىنا قاتىسقان اۋدان اكىمى ءادىل جولامانوۆ ەلباسىمىزدىڭ «ماڭگىلىك ەل» بولۋ جونىندەگى باستاماسىن قولداي وتىرىپ، تاريحىمىزدى تەرەڭ ءبىلۋ ءۇشىن ونى زەرتتەپ، جيناق قىلىپ شىعارىپ، ەلگە تاراتۋدىڭ ماڭىزدىلىعىن اتاپ كورسەتتى.
باسقوسۋدا كىتاپتى قۇراستىرۋشى، جۋرناليست باقتىعالي قوسپايەۆ، اۆتورلار، «DАNА каz» جۋرنالىنىڭ باس رەداكتورى قازبەك قۇتتىمۇرات ۇلى، م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ اعا وقىتۋشىسى، تاريح عىلىمدارىنىڭ كانديداتى جانىبەك يسمۋرزين، اقجايىق اۋدانى م. وتەمىسوۆ اتىنداعى نەگىزگى مەكتەپ جانىنداعى «جەرۇيىق» مۋزەيىنىڭ جەتەكشىسى جانىبەك ابىلپەيىسوۆ، اقىن ساعىنتاي بيسەنعاليەۆ، كىتاپحاناشى ءاسيما قۇلەتوۆا جاڭا جيناق تۋرالى ءوز پىكىرلەرىن ءبىلدىردى.
اۆتور: ەلجان ەرالى
