جانار دۇعالوۆانى مينيسترلىك بەرگەن ماراپاتقا لايىق ەمەس دەگەندەر جەلىدە شۋ كوتەردى
بۇل تۋرالى stan.kz ينتەرنەت- باسىلىمى جازادى. ءوز ويىن تۇسىندىرە كەتكەن جەلى قولدانۋشىسى مۇنى مادەنيەت مينيسترلىگىنىڭ ادىلەتسىز شەشىمى دەپ تۇسىنەتىنىن دە جاسىرماعان.
ول قازاقستانعا ەڭبەگى سىڭگەن قايراتكەر اتاعىنا لايىقتى دەپ بىرنەشە جىلدان بەرى ساحنادا جۇرگەن ءبىراز انشىلەردىڭ ءتىزىمىن جاساعان.
«مەن ولاي ويلامايمىن، جانار لايىقتى. كەرەمەت ءانشى»، - دەدى التاي باقتىمبەتوۆ ەسىمدى جەلى قولدانۋشىسى.
«ايەكە، قادىر-قاسيەتى قالماعان اتاقتار عوي، جۇيكەنى تاۋىسىپ نە قىلامىز»، - دەگەن ولجاس بەركىنبايەۆ ەسىمدى ازامات.
جەلى قولدانۋشىلارى جانار دۇعالوۆانى قازاقستانعا ەڭبەگى ءسىڭدى جانە ونداي ماراپاتقا لايىق ەمەس دەيتىندەر بولىپ ەكىگە ءبولىندى. كەي ازاماتتار ءانشىنى كيىمىنە ەمەس داۋسىنا قاراپ قۇرمەتتەۋدى سۇرادى. كوپشىلىك جانار دۇعالوۆانىڭ "Тurkvizyon-2014" بايقاۋىندا العان جەڭىسى ءۇشىن قۇرمەتتەيتىندەرىن جاسىرمادى.
«جۇرەگىن دىرىلدەتىپ، جالاڭاش دەنەسىمەن ساحناعا ءان سالىپ شىققان جانار دۇعالوۆا قازاقستاننىڭ ەڭبەك سىڭىرگەن قايراتكەرى بولىپتى. بۇل مادەنيەت مينسترلىگىنىڭ ادىلەتسىز شەشىمى دەپ ويلايمىن. ۇلتتىق ونەرىمىزدىڭ دامۋىنا ۇلەس قوسىپ، ساحنادا 20-30 جىلدان بەرى جۇرگەن جانار ايجانوۆا، گۇلميرا اقۇرپەكوۆا، گۇلميرا الىمبەكوۆالارعا نەگە بەرمەيدى؟» - دەيدى ايدار قىرىقباي.
