ۇلتتىق ارنا جاڭا قازاقستاندىق حيكايا ۇسىنادى
«شىرعالاڭ» - بۇگىنگى ءومىر تالاپتارىنا سايكەس، مەملەكەتتىك ورگان قىزمەتكەرلەرىنىڭ قالىپتاسۋى جانە كاسىبي ءوسۋى تۋرالى سىر شەرتەتىن دەتەكتيۆتى كينو جانرىندا تۇسىرىلگەن قازاقستاندىق كوركەم حيكايا.
ءاربىر سەرياسى ءوز ىسىنە ۇلكەن جاۋاپكەرشىلىكپەن قاراپ، وزدەرىنە سەنىپ تاپسىرىلعان مىندەتتەردى قاۋىپسىزدىك پەن كەدەرگىگە قاراماستان ادالدىقپەن ورىندايتىن مەملەكەتتىك ورگان قىزمەتكەرلەرىنىڭ بەينەسىن اشادى.
حيكايا كەيىپكەرلەرى قىلمىس قۇرىلىمىنىڭ شىرعالاڭدارىن شەشۋگە نەگىزدەلگەن ءتۇرلى وقيعالاردى باستان كەشىرەدى.
وقيعا قارجى پوليتسياسىندا سەگىز جىلدان استام ەڭبەك ەتكەن جومارت، ادىلەت جانە قانات ەسىمدى ءۇش دوستىڭ مەملەكەتتىك باسقا قۇرىلىمعا اۋىسۋدى جوسپارلاۋدان باستالادى. ماقساتتارىن ناقتى كوزدەگەن جىگىتتەر مەملەكەتتىك قىزمەت جانە سىبايلاس جەمقورلىققا قارسى ءىس- قيمىل اگەنتتىگىنە جۇمىسقا تۇرۋ ءۇشىن ەمتيحان تاپسىرۋعا دايىندالادى. مۇندا ولار پوليگرافتا تەستىلەۋدەن وتۋلەرى ءتيىس. بايقاۋدىڭ بارلىق كەزەڭدەرى اياقتالعاننان سوڭ جومارت جانە ادىلەت بارلىق تاپسىرمالاردى جاقسى ورىنداپ، مەملەكەتتىك ورگانداردا قىزمەتتەرىن جالعاستىرادى. ال قانات بولسا، پوليگرافتاعى تەستىلەۋدەن وتە الماي قالادى. ءدال وسى ساتتەن باستاپ، ءۇش دوستىڭ تاعدىرى ءۇش ايىرىلىسىپ، ولار زاڭنىڭ ەكى جاعىندا قالىپ قويادى.
تۋىندىنىڭ ۇلكەن شەبەرلىكپەن كورسەتىلگەن ەلىكتىرەر ساحنالارى وتە كوپ. ءفيلمنىڭ كورەرمەندەردى وقيعانىڭ مازمۇنىنا بەرىلىپ، باس كەيىپكەرلەردىڭ ومىرىنە دەگەن الاڭداتۋشىلىقتارىن تۋدىراتىن كۇشى بار.
فيلم وقيعا جەلىسىن باعالاي الاتىن ءوز كورەرمەنىن تاباتىنىنا سەنىمدىمىز.
«شىرعالاڭ» حيكاياسىنىڭ العاشقى سەرياسىن 14- قاڭتار كۇنى ساعات 21:05-تە «قازاقستان» تەلەارناسىنان تاماشالاڭىزدار.
«قازاقستان» ت ر ك تۇراقتى كورەرمەندەرىن ءوز كورەرمەندەرىن جاڭا جوبالارىمەن جانە حيكايالارىمەن جاڭا جىلدا دا قۋانتا بەرمەك.
