عالامتوردا «قاشقارلىق وديسسەيا» فيلمىنىڭ پرەمەراسى كورسەتىلە باستادى - فوتو
بۇل دەرەكتى كارتينانىڭ اۆتورلارى ۆيتالي دۆورەتسكي مەن ولەگ بەلوۆ ءۋاليحانوۆتىڭ بەلگىلى ساياحاتىنىڭ قىتايلىق ءبولىمى قالاي قايتالانعانىن ايتتى. 2015 - جىلى شوقاننىڭ 180 جىلدىعى تويلاندى. فيلم پرەمەراسى مەرەيتويعا ارنالعان شارالاردىڭ وزىندىك قورىتىندىسى ىسپەتتەس بولدى.
«ءبىز تيان- شان تاۋلارى ارقىلى وتەتىن ەڭ قيىن جولدى تاڭدادىق، - دەدى ءۋاليحانوۆ ەكسپەديتسياسىنىڭ جەتەكشىسى ماۋلەن ەسىمحانوۆ. - ەكسپەديتسيامىزدىڭ ماقساتى - شوقاننىڭ بارلىق باعىتىن قايتالاۋ. جوبامىزدىڭ باستى بولىگى قاشقارياعا ساياحات جاساۋ. شوقان 1858 - جىلى سەمەيلىك كەرۋەننىڭ كوپەسى رەتىندە بارعان قاشقاريا قالاسى ونىڭ ومىرىندەگى باستى قالا بولدى. 2009 - جىلى شوقاننىڭ قاشقاريا ساياحاتىنىڭ قىرعىزدىق بولىگىمەن وتتىك. ال 2014 - جىلى بۇل باعىتتىڭ قىتايلىق بولىگىن قايتالادىق. ونىڭ قاشقارلىق ەسەبىنىڭ كوپ بولىگى ءالى كۇنگە دەيىن قۇپيا بولىپ وتىر. بۇل شوقاننىڭ قاشعارداعى ءومىر ەرەكشەلىگى تۋرالى ماعلۇماتتار وزەكتىلىگىن جوعالتپاعاندىعىن كورسەتەدى».
«جاقىن ارادا «قاشقارلىق وديسسەيا» الماتى وبلىستىق «جەتىسۋ» ارناسىندا كورسەتىلەدى. سونداي- اق، رەسپۋبليكالىق حابار تاراتۋشىلارمەن كەلىسسوزدەر جۇرگىزدىك، ولاردىڭ اراسىندا تولىعىمەن ساياحاتتارعا ارنالعان «تۇران» تەلەارناسى بار، دەيدى فيلم رەجيسسەرى جانە وپەراتورى ۆيتالي دۆورەتسكي.
