قازعارىش تورعاي گەوگليفىن سۋرەتكە ءتۇسىردى جانە ولاردى زەرتتەۋ ءۇشىن حالىقارالىق مامانداردى تارتادى

 استانا. قازاقپارات - «قازاقستان عارىش ساپارى» ۇ ك» ا ق پيتتسبۋرگ ۋنيۆەرسيتەتىنىڭ (ا ق ش) وكىلى رونالد لاپورتەنىڭ سۇراۋى بويىنشا قىسقا مەرزىمدە قوستاناي وبلىسىنداعى گەوگليفتەرى بار ۋچاسكەنى ءتۇسىردى.

 «ءبىزدىڭ كومپانيا ۇرپەك اۋىلى (قوستاناي وبلىسى امانگەلدى اۋدانى) ماڭىنداعى گەوگليفتىڭ سۋرەتىن جاسادى. قازىر لاپورتە باستاعان حالىقارالىق زەرتتەۋشىلەر توبىمەن گەوگرافيالىق اقپاراتتىق جۇيە قۇرۋ جانە گەوگليفتەردى كارتاعا ءتۇسىرۋ ءۇشىن حات الماسۋ ارقىلى كەلىسىپ جاتىرمىز.

توپتا قازاقستان مەن ا ق ش (پيتتسبۋرگ ۋنيۆەرسيتەتى مەن ن ا س ا) ماماندارى بار. جۇمىستىڭ عىلىمي جانە تاجىريبەلىك مۇددەسى بار جانە ول قازاقستانداعى تۋريزمدى دامىتۋعا، سونىمەن بىرگە مادەني- تاريحي مۇرا رەتىندە گەوگليفتەردىڭ ساقتالۋىنا كومەكتەسە الادى»، - دەدى كومپانيا پرەزيدەنتىنىڭ مىندەتىن اتقارۋشى مارات نۇرعوجين.

 ەسكە سالا كەتەيىك، تورعاي گەوگليفتەرىن العاش رەت 8 جىل بۇرىن 2007 - جىلى قوستانايلىق زەرتتەۋشى دميتريي دەي اشتى. سول كەزدەن ول «تورعاي ديسكاۆەري» جوباسىن ىسكە قوستى. سونىمەن قاتار، ونىمەن امەريكالىق پيتتسبۋرگ ۋنيۆەرسيتەتىنىڭ ماماندارى بايلانىسقا شىقتى. د. دەي ماقالالارى پيتتسبۋرگ ۋنيۆەرسيتەتىنىڭ جانە الەكساندري كىتاپحاناسىنىڭ (مىسىر) سايتىندا جاريالاندى. كەيىن امەريكاندىق ن ا س ا عارىش اگەنتتىگى قىزىعۋشىلىق تانىتا باستادى. ولار تورعاي گەوگليفتەرىنىڭ سۋرەتتەرىن بۇكىل الەمگە تاراتتى. د. دەي گەوگليفتەرمەن بايلانىستى جوبانى «ەكسپو-2017» كورمەسىنە دايىندادى. بۇل تۋرالى قازاقپارات وسىعان دەيىن حابارلاعان. تورعاي گەوگليفتەرى امەريكالىق بلوگەرلەردىڭ 2015 - جىلدىڭ ۇزدىك جاڭالىقتارى تىزىمىنە ەندى.

 سۋرەتتە: ۇرپەك اۋىلى ماڭىنداعى گەوگليف. قازاقستاندىق KazEOSat-1 سپۋتنيگىنەن تۇسىرىلگەن (24/10/2015ج). قازاقستاننىڭ مادەني- تاريحي مۇراسىن زەرتتەۋ بويىنشا حالىقارالىق دەڭگەيدەگى ىنتىماقتاستىق.