ا. كيم: سپورتشىلارىمىز قىمىزدىڭ ارقاسىندا جەڭىسكە جەتۋدە

استانا. قازاقپارات - قازاقستانداعى ارالاس جەكپە-جەك شەبەرلەرى دوپينگ قابىلدامايدى كەرىسىنشە، ونىڭ ورنىنا قىمىز ىشەدى.

ياعني ۇلتتىق سۋسىنىمىز سپورتشىلارعا كەرەمەت كۇش پەن مۇقالماس جىگەر بەرۋدە ەكەن، دەپ جازادى 24.kz.

وسىنىڭ ارقاسىندا بيىل جەرلەستەرىمىز الەم چەمپيوناتىنىڭ جالپى كوماندالىق ەسەبىندە II ورىنعا شىقتى. ناقتىراق ايتساق، قورجىنىمىزدا 5 كۇمىس پەن 1 قولا جۇلدە بار. بۇدان بولەك، قازاقستان قۇراماسى 2015-جىلى بىرنەشە حالىقارالىق جانە قۇرلىقتىق دودادا توپ جاردى. ەرەكشەلىگى سول، قىمىزدىڭ وسىنداي قۇدىرەتتىلىگىن ەستىگەن باسقا ەلدىڭ سپورتشىلارى دا ونى سۇراتىپ ىشەدى ەكەن.

«وسى قىمىزدىڭ ارقاسىندا تورتكۇل دۇنيەگە تانىمال رەسەيلىك سەرگەي حاريتونوۆ بيىل جەڭىسكە جەتتى. ياعني ول ەلىمىزدە جۇرگىزگەن جاتتىعۋ جۇمىستارىندا ۇنەمى ۇلتتىق سۋسىندى قولداندى. كەيىن «مەنى جەڭىسكە جەتەلەگەن قىمىز» دەگەن بولاتىن»، - دەيدى قازاقستان م م ا فەدەراتسياسىنىڭ پرەزيدەنتى اناتولي كيم.