ايگىلى كومپوزيتور ءشامشى قالداياقوۆ تۋرالى تەلەۆيزيالىق سەريال تۇسىرىلەدى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «حابار» اگەنتتىگى» ا ق باسقارما ءتوراعاسى ايدوس ۇكىباي ءمالىم ەتتى.
«2016 -جىلى بيوگرافيالىق تەلەۆيزيالىق جوبالاردى ءتۇسىرۋدى جالعاستىرامىز. وزدەرىڭىز بىلەسىزدەر، بۇنداي جوبالار قىمباتقا تۇسەدى جانە قاجىرلى ەڭبەكتى قاجەت ەتەدى، سونداي-اق ەڭ باستىسى - وسىنداي تەلەسەريالداردى جوعارى جاۋاپكەرشىلىكپەن باستاۋ كەرەك.
اتاپ ايتقاندا، ءشامشى قالداياقوۆ تۋرالى 2016 -جىلى تەلەۆيزيالىق سەريال ءتۇسىرۋدى پارىز دەپ سانادىق. بۇل تۇرعىدا وسى تۋىندىنى كورەرمەندەرگە ۇسىنباقپىز»، - دەدى ا. ۇكىباي.
تاراتىلعان مالىمەتتەرگە قاراعاندا، جالپى ءبىر جىلدا 10 تەلەسەريال شىقتى. وسى جىلى كورەرمەندەرگە اتى اڭىزعا اينالعان ديريجەر ءارى كومپوزيتور نۇرعيسا تىلەنديەۆتىڭ 90 جىلدىعىنا ارنايى تۇسىرىلگەن «قۇستار ءانى» كوپ سەريالى كوركەم فيلم ۇسىنىلدى.
اۆتور: رۋسلان عابباسوۆ
