قوي جىلى ومىردەن وزعان قازاقستاننىڭ تانىمال تۇلعالار- فوتو
باتىرحان شۇكەنوۆ
2015 -جىلدىڭ 28 -ءساۋىر كۇنى قازاقستاندىقتاردىڭ ەسىندە ورنى تولماس قايعىمەن ەستە قالارى ءسوزسىز. بۇل كۇنى تانىمال مۋزىكانت، «ا- ستۋديو» توبىنىڭ ىرگەسىن قالاۋشى باتىرحان شۇكەنوۆ ومىردەن وزدى. ءانشىنىڭ تىڭدارماندارى ەلىمىزدىڭ ءار وڭىرىندە ەسكەرتكىش ورناتىپ، سۋرەتىن قويىپ، داۋىستاپ «دجۋليا» ، «بەلايا رەكا» ، «سولدات ليۋبۆي» ، «نەليۋبيمايا» اندەرىن ورىندادى.
ءابىش كەكىلبايەۆ
وسى جىلى قازاقستاننىڭ حالىق جازۋشىسى ءابىش كەكىلباي ۇلى 76 جاسقا قاراعان شاعىندا كوز جۇمدى. مەملەكەت جانە قوعام قايراتكەرىنىڭ كوپتەگەن شىعارمالارى ت م د حالىقتارى مەن شەتەل تىلدەرىنە اۋدارىلعان. جازۋشىنىڭ «كورول لير»، «رومەو ي دجۋلەتتا»، «پرينتسەسسا تۋراندوت»، «ۆ نوچ لۋننوگو زاتمەنيا»، «دون جۋان، يلي ليۋبوۆ ك گەومەتري»، "پريۆەدەنيە"، "سەگودنيا پرازدنيك" پەسالارى ەلىمىزدىڭ تەاترلارىندا قويىلىپ ءجۇر.
راحات اليەۆ
بيىل اۆستريادا قازاقستاننىڭ ەكس- ەلشىسى راحات اليەۆ دۇنيەدەن ءوتتى. وتكەن جىلى ماۋسىم ايىندا قاماۋعا الىنعان اليەۆ كامەرادا اسىلىپ قالعان كۇيىندە تابىلدى. قازاقستاندا ەكس- ەلشىنى بيلىكتى تارتىپ الۋ ماقساتىندا دايىندىق شارالارىن وتكىزگەنى ءۇشىن جانە ادامداردى ۇرلاۋمەن اينالىساتىن توپتى ۇيىمداستىرعانى ءۇشىن 40 جىل باس بوستاندىعىنان سىرتتاي ايىرعان ەدى.
گەرولد بەلگەر
2015 -جىلدىڭ 7 - اقپانىندا ەلىمىزدىڭ بەلگىلى جازۋشىسى، اۋدارماشى گەرولد بەلگەر دۇنيەدەن وزدى. تانىمال تۇلعا 6 رەت ينفاركت الىپ، اۋرۋحانادا كوز جۇمدى. بەلگەر 40 تان استام كىتاپتىڭ اۆتورى سانالادى جانە جازۋشىنىڭ قالامىنان شىققان اتاقتى تۋىندىلاردىڭ ىشىنەن "دوم سكيتالتسا"، "تۋيۋك سۋ"، "رازلاد" روماندارىن وقىرماندارعا جاقسى تانىس. گەرولد بەلگەر 1994 - 1995 -جىلدارى قازاقستان رەسپۋبليكاسى جوعارعى كەڭەسىنىڭ دەپۋتاتى قىزمەتىن اتقاردى.
نۇرلان بالعىمبايەۆ
2015 -جىلى اتىراۋدا 68 جاسىندا قازاقستاننىڭ بۇرىنعى پرەمەر- ءمينيسترى نۇرلان بالعىمبايەۆ كوز جۇمدى. تانىمال ساياساتكەر ءار جىلدارى مۇناي جانە گاز وندىرىسىندە مينيستر قىزمەتىن، «قازاقويل» مۇناي- گاز ۇلتتىق كومپانياسىنىڭ پرەزيدەنتى قىزمەتىن اتقارعان. 1997 -جىلدان 1999 -جىلدارعا دەيىن قازاقستان پرەمەر- ءمينيسترى بولدى.
نۇرلان قاپپاروۆ
2015 -جىلى قىتايدىڭ بەيجىڭ قالاسىنا رەسمي ءىس- ساپارمەن بارعان «قازاتومپروم» باسشىسى نۇرلان قاپپاروۆتىڭ قىزمەت كەزىندە جۇرەگى توقتاپ قالدى. اتالمىش مەملەكەت قايراتكەرى ءار جىلدارى ق ر ەنەرگەتيكا جانە مينەرالدى رەسۋرستار ۆيتسە- ءمينيسترى، Lancaster Group Kazakhstan ديرەكتورلار كەڭەسىنىڭ ءتوراعاسى قىزمەتىن اتقارعان. كەيىننەن نۇرلان قاپپاروۆ ق ر قورشاعان ورتانى قورعاۋ بويىنشا مينيسترلىكتى باسقاردى.
مۇحتار اليەۆ
بيىل قاڭتار ايىندا ەلىمىزدە تانىمال حيرۋرگ ءارى اكادەميك مۇحتار اليەۆ دۇنيەدەن وزدى. اكادەميك تۇڭعىش رەت قازاقستاندا مەديتسينالىق تاجىريبەلەر ۇيىمداستىرىپ، ادام ورگاندارىن اۋىستىرۋ ورتالىعىن جانە مەديتسينا عىلىمدارىنىڭ اكادەمياسىن اشتى.
ماقسۇت نارىكبايەۆ
وسى جىلدىڭ كۇزىندە قوعام قايراتكەرى، "ادىلەت" دەموكراتيالىق پارتياسىنىڭ ىرگەسىن قالاۋشى ماقسۇت نارىكبايەۆ ومىردەن ءوتتى. لاۋازىمدى تۇلعا ءار جىلدارى قازاقستاننىڭ باس پروكۋرورى جانە جوعارعى سوت ءتوراعاسى قىزمەتتەرىن اتقاردى.
تالعات كىربەتوۆ
وسى جىلدىڭ جەلتوقسان ايىندا قازاقستاندىق جاس جۋرناليست تالعات كىربەتوۆتىڭ ءولى دەنەسى كولىگىندە تابىلعان بولاتىن. الدىن- الا دەرەكتەر بويىنشا جۋرناليست ءيىس گازىنان ۋلانىپ قالعان.
كىربەتوۆ ءار جىلدارى «31» ارنادا، «استانا» تەلەارناسىندا، "7 - ارنادا" جۇمىس ىستەگەن. سوڭعى قىزمەتى - استانادا "ۆرەميا" گازەتىنىڭ جەكە كوررەسپوندەنتى بولىپ ەڭبەك اتقاردى.
دەرەككوز: NUR. KZ
