قاراعاندى وبلىسىندا ءىرى جول اپاتى بولدى - كەسكىن
قالانىڭ ورتالىعىندا جارىقتىڭ جوقتىعىنان باعدارشامدار ىستەن شىقتى، جۇرگىزۋشىلەرگە بولسا تىم باياۋ جۇرۋگە تۋرا كەلدى. قاراعاندى وبلىستىق ءى ءى د باسپا ءسوز حاتشىسى باقىتجان كۇدەرينوۆتىڭ ايتۋىنشا، جول پوليتسەيلەرى كۇشەيتىلگەن تارتىپتە جۇمىس ىستەپ جاتىر. تاسجولدار جابىلعان، قالانىڭ بارلىق ۇيىمى تەلەفونوگراممالار ارقىلى داۋىلعا بايلانىستى ەسكەرتۋ جاساۋ ۇستىندە.
قاراعاندى وبلىسىنداعى شاحتينسك كوپىرىندە كورۋ مۇمكىندىگىنىڭ ناشارلاۋىنا بايلانىستى ءىرى جول اپاتى بولدى.
كۋاگەرلەر جول اپاتىن ۆيدەوعا ءتۇسىرىپ، الەۋمەتتىك جەلىلەردە جاريالاۋدا. قازىرگى ۋاقىتتا وقيعا ورنىندا پوليتسەيلەر جۇمىس ىستەپ جاتىر. قاراعاندى وبلىستىق ءى ءى د باسپا ءسوز حاتشىسى باقىتجان كۇدەرينوۆتىڭ ايتۋىنشا، وسى دەرەك بويىنشا سوتقا دەيىنگى تەرگەۋ ءجۇرىپ جاتىر. ابىروي بولعاندا، ەشكىم زارداپ شەككەن جوق.
مۇنىمەن قاتار، قاراعاندى وبلىسىندا جول بويىندا قار قۇرساۋىندا قالعان ادامداردى قاۋىپسىز جەرگە كوشىرۋ جۇمىستارى ءجۇرىپ جاتىر.
