الەۋمەتتىك جەلى پايدالانۋشىلارى استانا بورانىنا تاڭدانىسىن بىلدىرۋدە - فوتو، كەسكىن

استانا. قازاقپارات - بۇگىن ەلوردادا بوران تۇتەپ تۇر. ونداعان اۆيارەيستەر توقتاتىلدى نەمەسە كەيىنگە شەگەرىلدى.

ەكى اۋىسىمداعى 1-9 -سىنىپ وقۋشىلارىنا ساباق بولمايدى. جول قوزعالىسى شەكتەلدى، قالالىقتاردىڭ كوشەدە ءجۇرۋى قيىندادى. 2800 بىرلىك تەحنيكا قار تازالاۋمەن اينالىسۋدا.

بوران استانا قوناقتارىن دا تاڭعالدىرۋدا. ونىڭ ىشىندە رەسەيلىك ءانشى، اكتريسا ۆەرا برەجنەۆا بوراندى كۇنى ءساتتى قونعان ۇشاق ۇشقىشتارىنا ماقتاۋ ايتتى.

كەيىنگە قالدىرىلعان اۆيارەيستىڭ جولاۋشىلارى الەۋمەتتىك جەلىدە بۇگىنگى بوراننىڭ ەكپىنىنە تاڭدانىس بىلدىرۋدە. بۇگىن بورانعا وراي قازاقستاندىق جۇلدىز مانەرلەپ سىرعاناۋشى دەنيس تەننىڭ باسپا ءسوز ءماسليحاتى كەيىنگە قالدىرىلدى. «مەن ءالى اۋەجايدامىن. استاناعا بارلىق رەيس توقتاتىلدى. ال، ۋاقىتىم قىزىقتى وتۋدە. استانا ت ك شاعىن رەپورتاج ءتۇسىردى. بالالارمەن فوتوسەسسيا جاساپ ۇلگەردىم. ماعان حابارلاسقىلارىڭىز كەلسە، جازىڭىزدار، ارالاسايىق!»، - دەپ جازدى د. تەن ينستاگرامعا.

سينوپتيكتەردىڭ حابارلاۋىنشا، جەل وڭتۇستىك- باتىستان، باتىستان 9-14 م/س، ۇيتقۋى 15-20 م/س- قا دەيىن. ەلوردادا اۋا تەمپەراتۋراسى تۇندە جانە كۇندىز - مينۋس 5-7°س.