استانادا جەرگىلىكتى پوليتسيا قالاي جۇمىس ىستەيدى
ۆەدومستۆو 2016-جىلدىڭ 1- قاڭتارىنان باستاپ قازاقستاندا اتقارۋشى ورگاندار مەن حالىقتىڭ الدىندا ەسەپ بەرەتىن جەرگىلىكتى پوليتسەيلەر جۇمىس ىستەي باستايتىنىن حابارلادى. استانادا جەرگىلىكتى پوليتسيا قىزمەتىنىڭ قۇرامىنا 1,5 مىڭ پوليتسەي كىرەدى.
«جەرگىلىكتى پوليتسيا قىزمەتى قوعامدىق ءتارتىپتى قاداعالاۋ، ۇساق قۇقىق بۇزۋشىلىقتار ماسەلەسىن شەشۋ، جول قاۋىپسىزدىگىن قامتاماسىز ەتۋ سالالارىندا جۇمىس ىستەيدى. ولارعا وزدەرىنە جۇكتەلمەگەن مىندەتتەردى ورىنداۋعا تىيىم سالىنادى»، - دەدى استانا ءى ءى د ءا پ ب ءتوراعاسى باقىتجان مالىبايەۆ.
اكىمشىلىك پوليتسيا باسقارماسىنىڭ مالىمەتىنشە، جەرگىلىكتى پوليتسيا قىزمەتى قۇرىلىمىنا ۋچاسكەلىك پوليتسيا ينسپەكتورى جانە ولاردىڭ كومەكشىلەرى، يۋۆەنالدى پوليتسيا، ايماقتىق بولىمشەلەر مەن مەكتەپ ينسپەكتورلارى، ايەلدەردى زورلىقتان قورعاۋ بولىمشەسى، تابيعاتتى قورعاۋ پوليتسياسى بولىمشەسى، تۇرعىلىقتى جەرى جوقتاردى جانە اكىمشىلىك جازالانعانداردى قابىلداۋ-تاراتۋ بولىمشەسى كىرەدى.
«جەرگىلىكتى پوليتسيا قىزمەتى باسشىلارىنىڭ جەرگىلىكتى اكىمدىك پەن ءماسليحات الدىندا جىلىنا ەكى رەت، ال حالىق الدىندا ءبىر رەت ەسەپ بەرۋ مىندەتى زاڭ جۇزىندە بەكىتىلگەن. ۋچاسكەلىك ينسپەكتورلار دا ەندى حالىققا جاقىن بولا تۇسەدى. ولار جىلىنا ءتورت رەت وزدەرى قىزمەت ەتەتىن اكىمشىلىك ۋچاسكەنىڭ حالقى الدىندا ەسەپ بەرەدى»، - دەپ حابارلادى استانا ءى ءى د ءا پ ب وكىلى.
بارلىق دەڭگەيدەگى اكىمدەر جەرگىلىكتى پوليتسيا قىزمەتىنىڭ الدىنا جەرگىلىكتى جەردە ماڭىزى بار قۇقىقتىق ءتارتىپتى قامتاماسىز ەتۋ مىندەتتەرىن قويادى، ولاردىڭ ورىندالۋىن باقىلايدى، جىلىنا كەمىندە ەكى رەت جەرگىلىكتى پوليتسيا قىزمەتى باسشىسىنىڭ ءتيىستى ەسەپتەرىن تىڭدايدى.
ايتا كەتەيىك، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەرگىلىكتى پوليتسيا قىزمەتىنىڭ جۇمىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا نۇرسۇلتان نازاربايەۆ بيىل 12- قاراشادا قول قويدى.
