13:18, 29 - جەلتوقسان 2015 | GMT +5
تايلاندتىڭ تۇنگى كلۋبتارىندا قازاقستاندىق ءبيشى قىزدار ۇستالدى
استانا. قازاقپارات - پاتتايادا پوليتسيا قازاقستان مەن رەسەيدەن بارعان 25 ءبيشى قىزدى ۇستادى، - دەپ حابارلايدى Bangkok Post.
قىزدار 29- جەلتوقساندا تاڭعى ۋاقىتتا ۇستالىپتى. تايلاند پوليتسياسى ءبيشى قىزداردىڭ كلۋبتاردا ەل بيلىگى بەرەتىن ەڭبەككە ارنايى رۇقساتىنسىز جۇمىس ىستەگەنىن انىقتادى. بۇل جاعداياتتاردىڭ ادام ساۋداسىنا قارسى جۇرگىزىلگەن رەيد بارىسىندا انىقتالعانى ايتىلادى.
قىزدار Moulin Rouge جانە Crazy Russian Girls دەگەن تۇنگى كلۋبتاردان تابىلعان. ولار پاتتاياداعى جاياۋ جۇرگىنشىلەر كوشەسىندە (Walking Street) ورنالاسقان. قىزدارعا زاڭسىز ەڭبەك قىزمەتى ءۇشىن ايىپ تاعىلدى. ولارعا ايىپپۇل سالىنىپ، وتانىنا دەپورتاتسيالانۋى مۇمكىن. سونىمەن قاتار، تۇنگى كلۋب يەلەرىنە باسقا ەلدىڭ ازاماتتارىن زاڭسىز جالداۋ بويىنشا ايىپتار تاعىلادى.
