ەردوعان مەن اتامبايەۆ دوستىعىنا سىزات ءتۇستى

استانا. قازاقپارات - رەسەيلىك ر ي ا «نوۆوستي» اگەنتتىگىنىڭ حابارلاۋىنشا، قىرعىزستان پرەزيدەنتى المازبەك اتامبايەۆ: «تۇركيا قارۋلى كۇشتەرى اتىپ قۇلاتقان رەسەيلىك Су-24 ۇشاعى ءۇشىن انكارا بيلىگى ماسكەۋدەن كەشىرىم سۇراۋى ءتيىس» دەگەن.
None
None

«مەنىڭ ويىمشا تۇركيا قارۋلى كۇشتەرى اتىپ تۇسىرگەن رەسەيلىك سۋ-24 ۇشاعى ءۇشىن تۇركيا بيلىگى ماسكەۋدەن كەشىرىم سۇراۋى ءتيىس.

مەنىڭ ۇستانىمىم بويىنشا، بۇل جەردە ءبارى ايقىن. كەي كەزدەردە مويىنداۋ دا كەرەك. بۇل ەكونوميكالىق جانە ساياسي تۇرعىدان ەكى تاراپقا دا ءتيىمسىز سوعىس. رەسەي ۇشاعىن اتىپ ءتۇسىرۋ وتە قاتە شەشىم بولدى. ءتىپتى ولار ايتقانداي، رەسەيلىك ۇشاق 17 سەكۋند بويى تۇركيا تەرريتورياسىنا كىرگەن كۇننىڭ وزىندە، ۇشاقتى اتۋ اقىلعا سىيىمسىز. 17 سەكۋند ءۇشىن 20 جىلدان استام ۋاقىت بويى قالىپتاستىرعان قارىم- قاتىناستى تارك ەتۋگە بولمايدى»، - دەيدى اتامبايەۆ مىرزا.

بۇعان دەيىن قىرعىز پرەزيدەنتى: «ەردوعان مىرزا ماعان شىن ءسوزىن ايتتى. ونىڭ ي ش ي م- مەن ەشقانداي بايلانىسى جوق. كەيدە بولادى عوي، مەملەكەت باسشىسىنىڭ سىرتىنان جاسىرىن ارەكەتتەر جاسالىپ جاتادى» دەپ ەدى.

ەستەرىڭىزدە بولسا، تايىپ ەردوعان تۇركيا پرەزيدەنتى بولىپ سايلانعان كۇنى، قىرعىزستان پرەزيدەنتى المازبەك اتامبايەۆ ارنايى انكاراعا بارىپ، جاڭا پرەزيدەنتتىڭ ينناۋگۋراتسياسىنا قاتىسقان ەدى. سوندا قىرعىز كوشباسشىسى ەردوعاندى «ابي» اعا دەپ ارقاسىنان قاققان.

«ەردوعان مىرزانىڭ ارقاسىندا تۇركيا الەمدەگى ەڭ ەكونوميكاسى قۋاتتى ەلگە اينالىپ كەلەدى. سىزدەردى ەردوعانداي باسشىلارىڭىزبەن قۇتتىقتايمىن! جاساسىن تۇركيا!»، دەگەن.

ارادا ءبىر جىل وتكەندە تۇركيا پرەزيدەنتى رەسمي ءىس- ساپارىمەن بىشكەك قالاسىنا كەلەدى. سوندا، اتامبايەۆ مىرزا تۇركيا پرەزيدەنتىن ارنايى كۇتىپ الىپ، تۇرىك تىلىندە سويلەگەن.

«بۇگىن بىزگە ەردوعان اعامىز كەلدى. ەردوعان اعامىزدىڭ كەلگەنىنە بۇكىل قىرعىز دالاسى قۋانادى. ەردوعان اعامىزدىڭ كومەگىنىڭ ارقاسىندا ءبىزدىڭ ەلدىڭ ەكونوميكاسى اياققا تۇرىپ كەلەدى. ءبىز ۇيالماي تاعى دا سۇرادىق. ەردوعان اعا، بىزگە قارىز بەرىڭىزشى دەپ. اعامىز ادەتتەگىدەي قولىمىزدى قايتارمادى. ويتكەنى بۇل اعامىزدىڭ اتا توپراعى. اتا جۇرتى. قوش كەلدىڭىز اعا» دەگەن سوزدەرىنەن كەيىن كوزىنەن جاس اققان ەردوعان قىرعىزستانعا قايتارىمسىز 90 ميلليون دوللاردى كومەك رەتىندە سىيعا تارتقان بولاتىن.

ال ەندى، قىرعىزستان پرەزيدەنتى تۇركيا- رەسەي جانجالىنا ارالاسىپ، رەسەيدىڭ رەسمي پوزيتسياسىن قولدايتىنىن ايتقان.

ەستەرىڭىزدە بولسا، وسىعان دەيىن ۋكراينا داعدارىسىنا قاتىستى، اتامبايەۆ مىرزا قىرىمدا وتكەن رەفەرەندۋمدى جانە ول ايماقتىڭ رەسەي قۇرامىنا كىرۋ تۋرالى شەشىمىن زاڭدى دەپ تانيتىنىن ايتقان بولاتىن.

ءتۇيىن: ءيا، اتامبايەۆ ە ا ە و ءۇشىن تۇركى جۇرتىنىڭ تۇتاستىعىنا قارسى شىقتى. ەردوعان مەن اتامبايەۆ دوستىعىنا سىزات ءتۇستى...

نۇرگەلدى ءابدىعاني ۇلى

 Abai.kz

سوڭعى جاڭالىقتار