10:33, 30 - جەلتوقسان 2015 | GMT +5
تۇرمەدەن اسا قاۋىپتى قىلمىسكەرلەر قاشىپ كەتتى
استانا. قازاقپارات - ارگەنتينادا قاۋىپسىزدىك قىزمەتى جەكسەنبىدە ەرەكشە قورعالاتىن تۇرمەدەن قاشىپ كەتكەن قىلمىسكەرلەردى ىزدەستىرۋ وپەراتسياسىن جۇرگىزۋدە.
ءۇش قاشقىن 2008-جىلى ءۇش بيزنەسمەندى ۇرلاپ اكەتىپ، ولتىرگەنى ءۇشىن ولارعا ءومىر بويىنا باس بوستاندىعىنان ايىرۋ جازاسى كەسىلگەن.
تاياۋدا سايلانعان بۋەنوس ايرەس پروۆينتسياسىنىڭ گۋبەرناتورى ماريا ەۆگەنيا ۆيدال قىلمىسكەرلەر مەملەكەتتىك قىزمەتشىلەردىڭ كومەگىمەن قاشۋى مۇمكىن ەكەنىن مالىمدەپ، پەنيتەنتسيارلىق جۇيە باسشىسىن جۇمىستان بوساتقان.
قاشار ساتتە قىلمىسكەرلەر كۇزەتشىلەردى تاپانشاعا ۇقساس زاتتى پايدالانىپ، قورقىتقان كورىنەدى.
