10:18, 29 - جەلتوقسان 2015 | GMT +5
تەلە جۇرگىزۋشى تىكەلەي ەفيردە ەسىنەن تانىپ قالدى
استانا. قازاقپارات - CNN تەلەارناسىنىڭ جۇرگىزۋشىسى تىكەلەي ەفيردە ەسىنەن تانىپ قۇلادى.
پوپپي حارلوۋ امەريكالىقتار لاڭكەستىكپەن كۇرەستى قالاي باعالايتىنى تۋرالى الەۋمەتتىك ساۋال قورىتىندىسىن ايتا باستاعان بولاتىن.
ونىڭ داۋىسى بىرتىندەپ باياۋلاپ، ءسوزى تۇسىنىكسىز بولا باستاپ، ءبىر ۋاقىتتا ءۇنسىز قالدى. بىرنەشە سەكۋندتان كەيىن ەفير توقتاتىلدى. بۇل تۋرالى امەريكالىق ب ا ق حابارلادى.
كەيىن ءوز «تۆيتتەرىندە» جۇرگىزۋشى جاعدايىنىڭ جاقسارعانىن جازدى.
- قامقورلىق تانىتىپ، حابارلاما جولداعاندارىڭىز ءۇشىن راحمەت! جاعدايىم جاقسى! قازىر دارىگەر باقىلاۋىندامىن، دەپ جازدى حارلوۋ.
