بەيجىڭدە ق ت ج وكىلى حالىقارالىق تاسىمالداۋ سالاسىنداعى ورىس-قىتاي سوزدىگىن شىعاردى - فوتو
بۇل باسىلىمنىڭ تانىستىرىلىمى ق ح ر- داعى ق ر توتەنشە جانە وكىلەتتى ەلشىسى شاحرات نۇرىشيەۆپەن بەيجىڭدە وقىپ جاتقان قازاقستاندىق ستۋدەنتتەرمەن كەزدەسۋى بارىسىندا بولدى.
«بۇل وقۋلىق قىتايعا ءبىلىم الۋعا كەلگەن ستۋدەنتتەرگە، شەكارا وتكىزۋ پۋنكتتەرى، كەدەن ورگاندارى، بىرلەسكەن قازاقستاندىق-قىتايلىق كومپانيالار مەن قىتايمەن سىرتقى ەكونوميكالىق قىزمەتتىڭ باسقا دا سۋبەكتىلەرىنە ارنالعان»، - دەدى ول ستۋدەنتتەرگە.
قازاقپارات تىلشىسىنە بەرگەن سۇحباتىندا ا. يبراگيموۆ باسىلىم تارالىمى 2 مىڭ دانا ەكەنىن ءمالىم ەتتى.
«بۇل سوزدىكتە 1000 ءسوز بار، ولاردىڭ كوپشىلىگى حالىقارالىق تاسىمالدى ۇيىمداستىرۋ كەزىندە قولدانىلاتىن تەرميندەر. بۇل باسىلىمدى دايىنداۋعا ماعان حالىقارالىق جۇك تاسىمالى سالاسىنداعى 20 جىلدىق تاجىريبەم مەن شەكارا قىزمەتى سالاسىنداعى پراكتيكالىق ءبىلىمىم سەپ بولدى»، - دەدى ول.
