جۇرتتان جيناعان جۇمىرتقالارمەن تاۋىق فەرماسىن اشىپتى
بۇل تۋرالى اقپاراتتى تۇركيانىڭ انادولى اگەنتتىگى حابارلادى.
اتالعان اۋداننىڭ ارىت اۋىلىندا دۇنيەگە كەلگەن مۇحاممەد كۇسشى ەسىمدى جاس جىگىت ورتا مەكتەپتى ءتامامداعاننان سوڭ كۇنكورىس قامىمەن ىستامبۇل قالاسىنا بارادى. مەگاپوليستىڭ رەستوراندارىنىڭ بىرىندە داياشى بولىپ جۇمىس جاساعانىمەن، ونىڭ تۇرمىسى جاقسارىپ كەتە قويمايدى. سونان سوڭ تۋعان اۋىلىنا قايتا ورالىپ، مال شارۋاشىلىعىمەن اينالىسۋعا بەل بۋادى.
الدىمەن نارىقتى زەرتتەگەن جاس كاسىپكەر وسىدان ەكى جىل بۇرىن اۋىل شارۋاشىلىعى مينيسترلىگىنىڭ ارنايى قولداۋ باعدارلاماسى اياسىندا 17 مىڭ شارشى مەتر اۋداندى الاتىن القاپتا تاۋىق فەرماسىن اشادى. كورشى اۋىلداردان جيناپ اكەلگەن جۇمىرتقالارىنان 6 مىڭ بالاپان شىعارادى. تابيعي تۇردە شىعارىلعان بالاپاندارى ءوسىپ جەتىلگەن مۇحاممەد قۇسشى قازىر تاۋلىگىنە 5 مىڭ جۇمىرتقا الادى ەكەن.
