جاڭا جىل «حابار» ارناسىمەن بىرگە - فوتو
ولاردىڭ ىشىندە ميۋزيكل، فيلم-كونسەرت، ەرەكشە سپورت پرەمياسى جانە كورەرمەندەرگە ۇناپ قالعان باعدارلامالاردىڭ جاڭا جىلدىق شىعارىلىمدارى دا بار، دەپ حابارلادى تەلەارنانىڭ باسپا ءسوز قىزمەتى.
31- جەلتوقساندا ساعات 19:00 دە «سىيلىق» («پوداروك») مۋزىكالىق فيلمىنىڭ كورسەتىلىمى بولادى. سيۋجەت جاڭا جىلدىق كەشتىڭ قارساڭىندا استانالىق ءدامحانالاردىڭ بىرىندە ءوربيدى. كەيىپكەرلەر - مەكەمەنىڭ قىزمەتكەرلەرى: مەنمەنسىگەن قوجايىن، ءوزىن بارىنەن ادەمى سانايتىن اكىمشى قىز، بىلگىش بارمەن، كۇيگەلەك اسپاز، كىرپياز داياشى، ويرانداۋشى كۇزەتشى، كىشىپەيىل اۋلا سىپىرۋشى جانە سۇيىكتىسى جاڭا جىلدى بىرگە قارسى الۋدان باس تارتقان قايعىلى كليەنت.
كەيىپكەرلەردىڭ دەتەكتيۆتى تاريحىنا ولاردىڭ وزدەرى ورىنداعان مۋزىكالىق نومىرلەر قوسىلادى. جوبانىڭ رەجيسسەرلەرى - الماس ساتكەنوۆ جانە عالىمجان بايازيتوۆ. فيلمدە كەتكەلى تۇرعان جىلدىڭ تانىمال اكتەرلەر، شوۋ-بيزنەس جۇلدىزدارى جانە «حابار» اگەنتتىگىنىڭ قىزمەتكەرلەرى ورىندايتىن باستى حيتتەرى پايدالانىلدى.
30- جەلتوقساندا ساعات 21:30 دا «حابار» تەلەارناسى ەفيردەن كورەرمەندەر ءۇشىن ەرەكشە سپورت قاھارماندارىن ماراپاتتاۋ سالتاناتىن كورسەتەدى. ۇلتتىق وليمپيادا كوميتەتىنىڭ سپورت پرەمياسى-2015 تەليەۆيزيالىق نۇسقاسى ەكى ساعاتقا سوزىلادى، ەكى ساعات ىشىندە سپورت جۇلدىزدارى وزدەرىنىڭ ەڭبەك سىڭىرگەن سىيلىقتارىن الادى. ءىس-شارانىڭ بىرەگەيلىگى - كورەرمەندەرگە ءىس-شارانىڭ سىرتىندا بولىپ جاتقان نارسەنىڭ بارلىعى كورسەتىلەتىندىگىندە. وسى كەشتە مۇسىنشەلەر «جىل سەرپىنى»، «جىل كومانداسى»، «جىل سپورتشىسى»، «جىل سپورت كلۋبى»، «جىل فەدەراتسياسى» اتالىمدارى اراسىندا ۇلەستىرىلەتىن بولادى.
تۋرا 12:00 دە پرەزيدەنتتىڭ جاڭا جىلدىق قۇتتىقتاۋىنان كەيىن ارنايى «حابار» تەلەارناسى ءۇشىن Sky Productions پروديۋسەرلىك كومپانياسى دايىنداعان «تۇمارىم» («پازلى سچاستيا» ) فيلم-كونسەرتتىڭ كورسەتىلىمى جوسپارلانعان.
فيلم ءتۇرلى وقيعالاردان قۇرالعان: ەگدە جاستاعى اتا-اناسى مەن كاسىبي ءوسۋ اراسىندا تاڭداۋ جاساۋى ءتيىس جاس مانساپقۇمار نياز تۋرالى، ءوز قارىم-قاتىناستارى ءۇشىن كۇرەسۋى قاجەت 17 جاسار عاشىقتار تۋرالى، ءوز بالالارىنا كوڭىل اۋدارماي جۇرگەندىگىن تۇسىنبەيتىن ناتيجەلى كاسىپكەر سۇلتان تۋرالى، 31- جەلتوقسان كۇنى ءوز بالاسىنان باس تارتۋعا بەل بۋعان جاس قىز تۋرالى، دوسى ساتىپ كەتكەن بوزبالا جانە ونىڭ قيىن-قىستاۋ كەزدە سول دوسىنا كومەككە كەلۋى تۋرالى جانە تاعى باسقالار.
رولدەردە: دينارا باقتىبايەۆا، تاۋەكەل ءمۇسىلىم، جاننا ورىنباساروۆا، نۇرلان ءالىمجانوۆ، اسەل اكباروۆا، سىرىم قاشقابايەۆ، اياۋلىم ەرعازى، شەر ءالي، قىمبات حانگەلدينا، اقبەرگەن جۇمابايەۆ، كامشات قوسكەلوۆا جانە باسقالارى. فيلمنىڭ مۋزىكالىق بولىگىندە روزا رىمبايەۆا، ءالي وقاپوۆ، بۇركىت، ديلناز احماديەۆا، ماقپال يسابەكوۆا، جانار دوعالوۆا، «وردا» توبى سياقتى قازاقستاندىق ەسترادا جۇلدىزدارى، سونداي-اق «حابار» تەلەارناسىنىڭ بەلگىلى جۇرگىزۋشىلەرى قاتىسادى. جوباعا ۆيكتور ەليسەيەۆ پروديۋسەرلىك ەتەدى.
سونداي-اق، كورەرمەندەر «بەنەفيس شوۋ»، قىزىق Times جانە «دۋ-دۋمان» باعدارلامالارىنىڭ ارنايى شىعارىلىمدارىن، روزا رىمبايەۆانىڭ جانە قايرات نۇرتاستىڭ كونسەرتتەرىن، سونىمەن قوسا الەمدىك كينوحيتتەردى تاماشالاي الادى. تەلەباعدارلامانى باعدارلامالار شىققان كەيىن www.khabar.kz سايتىنان تابۋعا بولادى.
جاڭا جىلدىق باعدارلامالار توپتاماسى «حابار» اگەنتتىگىنىڭ 20 جىلدىق مەرەيتويىنىڭ اتاۋلى قورىتىندىسى. مەرەيتويدى مەرەكەلەۋ اياسىندا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرىمەن كەزدەسۋ سياقتى سالتاناتتى ءىس-شارالار، استانا قالاسىندا اعاش ساياجولى اشىلدى، ب ا ق اراسىندا ميني-فۋتبول تۋرنيرى جانە مەرەكەلىك كونسەرت وتكىزىلەدى.
