ەلبرۋستە ەۋروپاداعى ەڭ جوعارى تاۋلى اسپالى جول اشىلدى
اسپالى جولدىڭ جوعارعى ستانساسى تەڭىز دەڭگەيىنەن 3847 مەترلىك، تومەنگىسى - 3455 مەترلىك بيىكتىكتە ورنالاسقان.
جول سەگىز ورىندىق اسپالى كابينالارمەن جاراقتانعان، ونىڭ ۇزىندىعى 1675 مەتر، ال وتكىزۋ قابىلەتى - ساعاتىنا 750 ادامدى الىپ وتۋگە ەسەپتەلگەن. الداعى ۋاقىتتا ول ساعاتىنا 1,5 مىڭ ادامعا دەيىن ۇلعايادى. 2016-جىلى تاۋ شاڭعىشىلارىن تارتۋ ءۇشىن سونداي-اق جاساندى قارلاندىرۋ جۇيەسىن سالۋ، شاڭعى تەبۋ ايماعىن كەڭەيتۋ جوسپارلانۋدا، دەپ جازادى لەنتا. رۋ.
«بۇل العاشقى قادام ەكەنىن تۇسىنەمىز. بۇدان باسقا زاماناۋي جاعدايلار قاجەت، ينفراقۇرىلىم الەمدىك ستاندارتتارعا ساي بولۋى ءتيىس. ءبىز سەرۆيستى دە 3847 مەترگە كوتەرۋگە ءتيىسپىز»، - دەيدى قاباردا-بالقاريا باسشىسى يۋري كوكوۆ.
بۇدان بۇرىن، ەلبرۋس بەتكەيلەرىنىڭ بىرىندەگى ەرەكشە ەكونوميكالىق ايماق اۋماعىنداعى اسپا جولدىڭ قۇرىلىسىنا ميلليارد رۋبل جۇمسالعانى حابارلانعان بولاتىن.
قاباردا-بالقاريا كۋرورتتار مەن تۋريزم مينيسترلىگىنىڭ مالىمەتتەرى بويىنشا، ەلبرۋس ماڭىنا وتكەن جىلى 116 مىڭ ادام كەلدى، ال 2015-جىلدىڭ ءبىرىنشى توقسانىندا وندا 120 مىڭ ادام دەمالدى.
