جىل قورىتىندىسى بويىنشا سپورتشىلار ماراپاتتالدى - قىزىلوردا

قىزىلوردا. قازاقپارات - جىل قورىتىندىسى بويىنشا جىلدىڭ ۇزدىك سپورتشىلارى، ۇزدىك جاتتىقتىرۋشىلار، سپورتتىق-بۇقارالىق جۇمىستاردى جولعا قويۋدا جاقسى جۇمىسىمەن تانىلعان قالالىق، اۋداندىق دەنە شىنىقتىرۋ جانە سپورت بولىمدەرى مەن بالالار-جاسوسپىرىمدەر سپورت مەكتەپتەرى وبلىستىق دەنە شىنىقتىرۋ جانە سپورت باسقارماسىنىڭ العىس حاتىمەن ماراپاتتالدى.

بۇل تۋرالى باسقارمانىڭ باسپا ءسوز قىزمەتى حابارلادى.

اۋىر اتلەتيكادان الەم چەمپيونى - الەكساندر زايچيكوۆ، اۋىر اتلەتيكادان الەم چەمپيوناتىنىڭ كۇمىس جۇلدەگەرى - الماس وتەشوۆ، ەركىن كۇرەستەن جانە اۋىر اتلەتيكادان ازيا چەمپيوندارى - داۋلەت نيازبەكوۆ پەن رۇستەم سىباي «جىلدىڭ ۇزدىك سپورتشىلارى» اتاندى.

«جىلدىڭ ۇزدىك جاتتىقتىرۋشىسى» دەگەن مارتەبەلى اتاققا اۋىر اتلەتيكادان جالاڭتوس ءباھادۇر اتىنداعى سپورتتا دارىندى بالالارعا ارنالعان وبلىستىق مەكتەپ-ينتەرناتتىڭ اۋىر اتلەتيكا بولىمشەسىنىڭ جاتتىقتىرۋشىسى ارمان ابدرايەۆ، گاندبولدان ق ر ەڭبەك سىڭىرگەن جاتتىقتىرۋشىسى، وبلىستىڭ اعا جاتتىقتىرۋشىسى كيم ۆياچەسلاۆ جانە دزيۋدودان ق ر ەڭبەك سىڭىرگەن جاتتىقتىرۋشىسى، وبلىستىڭ اعا جاتتىقتىرۋشىسى قالەن قالي ۇلى لايىق دەپ تانىلدى.

سونداي-اق، جىل قورىتىندىسى بويىنشا سپورتتىق-بۇقارالىق جۇمىستاردى جولعا قويۋدا جاقسى جۇمىسىمەن تانىلعان اۋداندىق دەنە شىنىقتىرۋ جانە سپورت بولىمدەرى مەن سپورت مەكتەپتەرى ماراپاتتالدى. اتاپ ايتساق،  قىزىلوردا قالاسى ءبىرىنشى ورىندى جەڭىپ السا، جاڭاقورعان اۋدانى ەكىنشى، قارماقشى مەن سىرداريا اۋداندارى ءۇشىنشى ورىندى يەلەندى.

بالالار-جاسوسپىرىمدەر سپورت مەكتەپتەرى اراسىندا 1№ وبلىستىق وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبى ءبىرىنشى ورىندى، 2№ وبلىستىق وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبى ەكىنشى ورىندى، 5№ وبلىستىق وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبى ءۇشىنشى ورىندى ەنشىلەدى.