ا ق ش- تا ۇشاتىن تاقتاي جاساپ شىعارىلدى
ArcaBoard «ۇشاتىن تاقتايى» 30 سانتيمەترگە دەيىنگى بيىكتىكپەن ۇشا الادى. بۇعان دەيىن وزگە كومپانيالار جاساپ شىعارعان قۇرىلعىلار ماگنيتتىڭ كۇشىمەن جانە ارنايى جەردە عانا جۇمىس ىستەيتىن بولعان.
حوۆەربورد 36 قوزعالتقىش كۇشىنىڭ ارقاسىندا ۇشادى. ولاردىڭ جالپى كۇشى 270 اتتىڭ كۇشىنەن اسىپ تۇسەدى جانە دەنە سالماعى 110 كەلىگە دەيىنگى جولاۋشىنى كوتەرە الادى. الايدا بۇل قۇرىلعىنىڭ بارلىق تەتىگى تولىق جەتىلدىرىلمەگەن: التى ساعاتتىق زارياد التى مينۋت ۇشۋعا عانا جەتەدى.
حوۆەربوردتىڭ تارتۋ كۇشى 36 تۋننەل ۆەنتيلياتورى ارقىلى جۇزەگە اسادى.
حوۆەربوردتىڭ سالماعى 80 كەلىدەن جوعارى، كولەمى - 145x76x15 سانتيمەتر. جىلدامدىعى ساعاتىنا 20 شاقىرىمعا دەيىن جەتەدى. ArcaBoard تاقتايىن سمارتفوننىڭ كومەگىمەن جانە ءوز دەنەڭدى باسقارعانداي باسقارۋعا بولادى.
وندىرۋشىلەردىڭ مالىمەتىنشە، تاقتاي اۋەعارىش ونەركاسىبىندە قولدانىلاتىن ماتەريالدارىنان جاسالعان. ول 2016-جىلدىڭ ءساۋىر ايىندا ساتىلىمعا شىعادى، باعاسى شامامەن - 20 مىڭ دوللار.
«ءبىز بۇل ءونىمدى 2015-جىلى شىعارىپ، «نازاد ۆ بۋدۋشەە-2» فيلمىنىڭ ساۋەگەيلىگىن پايدالاندىق دەسەم دە بولادى. باسىنان باستاپ ءبىز ساتىپ الۋعا بولاتىن جانە جەڭىل قولدانىلاتىن كولىك ءتۇرىن جاساپ شىعارعىمىز كەلدى. ءبىز وزگە كوپتەگەن كومپانيالاردىڭ دا بۇل تەحنولوگيانى جاساپ شىعاراتىنىنا سەنىمدىمىز، سەبەبى ول وكىنىشكە قاراي قىمبات تۇرادى. ءبىز ءونىمنىڭ ساپاسىن تومەندەتكىمىز كەلمەيدى - ول ۇشاتىن كولىك قۇرالى جانە ونى ارزانداتا دا المايمىز. ءبىراق الداعى جىلداردا ونىڭ باعاسىن تومەندەتە الامىز دەپ ويلايمىن»، - دەدى قۇرىلعىنى جاساپ شىعارعان دۋميترۋ پوپەسكۋ.
tengrinews.kz
