ەۋروپاداعى ەڭ بيىك قانات جولى ەلبۋرستە اشىلادى

استانا. قازاقپارات - ەۋروپادا ەكى بيىك تاۋلى قانات جولىنىڭ اشىلۋ ءراسىمى جەكسەنبى ەلبۋرستە وتەدى، دەپ حابارلادى ر ي ا نوۆوستي ەلبرۋس اۋدانى كاباردينو-بالكاريا اكىمشىلىگىنىڭ باسپا ءسوز قىزمەتىنە سىلتەمە جاساپ.

«جوعارى شىڭى 3847 مەتردى قۇرايتىن قانات جولىنىڭ اشىلۋى اياسىندا «گاراباشي-مير» جاڭا شاڭعى جولى بويىنشا العاشقى جارىس باستالادى» دەلىنگەن حابارلامادا.

جول سەگىز ورىندىق گوندولامەن جاراقتالعان، ونىڭ ۇزىندىعى 1675 مەتر، ال رۇقسات ەتۋ قابىلەتى - ساعاتىنا 750 ادام. كەلەشەكتە 1,5 مىڭ ادامعا ۇلعايتۋ جوسپارلانۋدا.

بۇدان بۇرىن «ك س ك» ا ق 2015-جىلى ەلبۋرس كۋرورتىن دامىتۋعا 1 ميلليارد رۋبلدەن استام ينۆەستيتسيا قۇيىلاتىنىن ايتقان. 2020-جىلعا دەيىن كۋرورتتى دامىتۋعا 6 ميلليارد رۋبلدەن استام قاراجات ءبولۋ جوسپارلانۋدا.