باعدارشامدى العاش كىم ويلاپ تاپقان؟
باعدارشام پروتوتيپى بولىپ تەمىرجول باعىتىن رەتتەۋگە ارنالعان تەمىرجول باعدارشامى سانالادى. العاش اعىلشىن پارلامەنتى الدىندا ورنالاسقان باعدارشامنىڭ ءتۇرلى- ءتۇستى شامدارى ارنايى بەلبەۋلەر ارقىلى اۋىستىرىلىپ وتىرعان.
ول ءۇشىن ارنايى پوليتسيا قىزمەتكەرى باعدارشامدى كۇزەتكەن. قۇرىلعىنى تولىق ىسكە قوسپاس بۇرىن لوندون گازەتتەرىندە باعدارماشنىڭ تۇستەرىنە قاتىستى ماقالالار شىققان. ياعني، ءار ءتۇستىڭ ماعىناسى قالا تۇرعىندارىنا تۇسىندىرىلگەن. ال، اۆتوماتتى تۇردە جۇمىس ىستەيتىن باعدارشام تۇرلەرى امەريكاندىق كليۆەند قالاسىندا 1914 - جىلى پايدا بولا باستادى. بۇل باعدارشام تۇرلەرى ەلەكترلى بولعانمەن، تەك قىزىل جانە جاسىل ءتۇستى شامدارى جانعان. باعدارشامنىڭ سارى ءتۇستى شامى 1918 - جىلدارى شىقتى. سونىمەن قاتار، رەسەيدە العاش باعدارشام 1924 - جىلى قويىلعان. قۇرىلعى شامدارىنىڭ جانۋ ۇزاقتىعى العاشىندا قول قۇرىلعىلارى ارقىلى رەتتەلسە، ۋاقىت وتە كەلە بارلىق جۇيەسى اۆتوماتتاندىرىلا باستادى.
