شىمكەنتتىكتەر قىمبات كولىكتەردىڭ قوسالقى بولشەكتەرىنەن جيھاز جاساۋدا
اعايىندى بەيسەمبايەۆتار ورىندىقتان باستاپ كيىم ىلگىشكە دەيىن جارامدى زاتتاردان جاساعان. ءتىپتى جارىق- شامنىڭ ءوزى موتور قورابىنان تۇرادى. شاعىن عانا بولمەنىڭ ءىشىن ناعىز شەتەلدىك كولىك سالونى دەۋگە بولادى. كوزگە بىردەن توردەگى ەڭ جىلدام قوزعالاتىن BMW كولىگى تۇسەدى.
«قالا كوشەلەرىنەن وتە سيرەك كەزدەسەتىن جايلى ءارى ورنىنان جىلدام قوزعالاتىن ماشينا كەز كەلگەن جۇرگىزۋشىنىڭ ارمانى»، - دەيدى مەحانيك.
قۇرمانعازى بەيسەمبايەۆ، اۆتومەحانيك:
- BMW- نىڭ كوپ ءتۇرى بار. ولاردىڭ اراسىندا ەڭ جاقسى، مىقتىسى - 5 كۋبتىق م-5. ونى وسى كولىكتى ايداعانداردىڭ ءبارى بىلەدى. بولمەگە كىرگەندە شەتەلدىك جول تالعامايتىن ماشينانىڭ سالونىندا وتىرعانداي اسەردە بولاسىڭ.
قابىرعالارعا قىمبات كولىكتىڭ ىشىندەگى ءاربىر بولشەگىنە دەيىن سالىنعان. ءتىپتى اينالاداعى كورىنىستەر دە بەينەلەنىپتى. شاعىن كابينەت Mercedes كولىگىنىڭ ارتقى بولىگىنە ورناتىلعان پەشپەن جىليدى. BMW ماشيناسىنىڭ موتورىنان جاسالعان جازۋ ۇستەلى، كيىم ىلگىش پەن قوقىس جاشىگى دە قوسالقى بولشەكتەردەن قۇراستىرىلعان. ەڭ نەگىزگىسى - جارىقشام. اعايىندى اۆتومەحانيكتەر بىرنەشە جىلدان بەرى شەتەلدەن بۇرىن قولدانىلعان كولىكتەردى الىپ كەلىپ ساتۋمەن اينالىسادى.
«قولدا بار بولعان سوڭ جيھازدى ساتىپ العانشا، قۇراستىرۋدى ويلاستىردىق»، - دەيدى. قويماداعى جوعارى قاباتقا كوتەرىلەتىن باسپالداقتىڭ ءوزى قوسالقى بولشەكتەردەن قۇراستىرىلعان. ورتالىقتىڭ ءتىپتى ەكىنشى قاباتىنا كوتەرىلەتىن باسپالداقتىڭ ءوزى اۆتوبولشەكتەردەن قۇراستىرىلعان. وزدەرى قۇراستىرعان جيھازداردىڭ ىشىندەگى قوسالقى بولشەكتەرىن سات دەگەن ۇسىنىستار دا ءتۇسىپتى. «باعاسى قىمبات بولعانىمەن، ءوزىڭ جاساعان تۋىندى ساتىلمايدى»، - دەيدى اۆتومەحانيكتەر.
