وقۋشىلار اراسىندا اسكەري جوعارى وقۋ ورىندارىنا ءتۇسۋ جونىندە ۇگىت- ناسيحات جۇرگىزىلدى - فوتو
دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
300 وقۋشى مەن كوللەدجدەردىڭ ستۋدەنتتەرىنە ارناپ اسكەري قىزمەتشىلەر ق ر قورعانىس مينيسترلىگىنىڭ جوعارى وقۋ ورىندارىنا تۇسۋ ءۇشىن ۇمىتكەرلەردى ىرىكتەۋ جونىندە ۇگىت- ناسيحات جۇمىسىن جۇرگىزدى.
«حالىق قاھارمانى» مايور ازامات ءجۇمادىلوۆ، اۋعانستانداعى سوعىس جانە الماتىداعى وقشاۋلى سوعىس ارداگەرلەرى كەڭەسىنىڭ ءتوراعاسى مايور ءابۋتجان امرايەۆ وقۋ ورىندارىنىڭ جوعارى سىنىپ وقۋشىلارىنا ءاربىر ادامنىڭ ءوز وتانى الدىنداعى بورىشى، ق ر قارۋلى كۇشتەرىندە قىزمەت وتكەرۋ، اتىس قارۋىنان وق اتۋ بويىنشا داعدى جيناقتاۋ، اسكەري ەسەپكە الۋ ماماندىقتى مەڭگەرۋ تۋرالى ايتىپ بەردى.
سونداي- اق وقۋشىلارعا قويان- قولتىق ۇرىس ايلا- تاسىلدەرى كورسەتىلدى.
بۇگىنگى كۇنى جوعارى كاسىبي ءبىلىم بەرۋ باعدارلاماسى بويىنشا كادرلاردى دايىنداۋ بىرنەشە اسكەري وقۋ ورىندارىندا جۇرگىزىلۋدە. بۇل ءبىلىم وشاقتارىنىڭ بارلىعى ءارتۇرلى اسكەري ماماندىقتار بويىنشا وقىتادى جانە جاقسى وقۋ- ماتەريالدىق بازاعا يە.
اتاپ ايتساق، ول قورعانىس مينيسترلىگى قۇرلىق اسكەرلەرىنىڭ اسكەري ينستيتۋتى. راديو ەلەكترونيكا جانە بايلانىس اسكەري- ينجەنەرلىك ينستيتۋتى (الماتى ق.)، كەڭەس وداعىنىڭ ەكى مارتە باتىرى ت. بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتى (اقتوبە ق.).
ودان باسقا، كەلەسى 2016 - جىلى اسكەري ءبىلىمنىڭ ەرەكشەلىكتەرىن ەسەپكە الا وتىرىپ، كرەديتتىك تەحنولوگيا بويىنشا وقىتۋعا كوشىرۋ جۇزەگە اسىرىلادى جانە اسكەري جوعارى وقۋ ورىندارىنداعى ماماندىقتاردىڭ تىزبەسى كەڭەيتىلەدى.
\ 
