13:30, 27 - جەلتوقسان 2015 | GMT +5
قىتايدا كەن ورنىنداعى اپاتتان كەيىن باسشىسى وزىنە قول جۇمسادى
استانا. قازاقپارات - قىتاي حالىق رەسپۋبليكاسىندا اپات ورىن العان گيپس شاحتاسىنىڭ يەسى وزىنە قول جۇمساعان. اپات سالدارىنان ءبىر ادام قازا تاۋىپ، 17 ادام ءۇيىندى استىندا قالعان،
دەپ حابارلادى اسسوشيەيتەد پرەسس اگەنتتىگى.
شاحتا يەسى، كومپانيا پرەزيدەنتى سەنبى كۇنى تاڭەرتەڭ شاحتا اۋماعىنداعى قۇدىققا باتىپ ولگەن. بۇدان بۇرىن ول وقيعا ورنىنا كەلىپ، ىزدەستىرۋ جۇمىستارىنا قاتىسقان، دەپ مالىمدەدى قۇتقارۋ جۇمىستارىن جۇرگىزەتىن كوماندالىق ورتالىق وكىلى.
قىزمەت 11 ادامدى قۇتقارىپ ۇلگەردى.
اپات جۇما كۇنى پيني ۋەزىندە گيپس شاحتاسىندا جۇمىس ۋاقىتىندا ورىن العان. جەر استىندا كەم دەگەندە 29 ادام قالعانى تۋرالى بۇعان دەيىن حابارلاعان بولاتىنبىز. جەرگىلىكتى بيلىك اپات سەبەپتەرىن انىقتاۋدا.
