عالىمدار: ەلەكتروندىق ويىنشىقتار بالالاردىڭ سويلەۋ قابىلەتىن تەجەيدى

 استانا. قازاقپارات - امەريكالىق ماماندار ءتۇرلى ەلەكتروندىق ويىنشىقتار سابيلەر ءۇشىن پايداسىز، ولار ءتىپتى سويلەۋ قابىلەتىنىڭ دامۋىن باسەڭدەتۋى مۇمكىن دەگەن توقتامعا كەلدى،

دەپ جازادى شەتەلدىك ب ا ق.

 زەرتتەۋ كەزىندە سولتۇستىك اريزونا ۋنيۆەرسيتەتىنىڭ ماماندارى 10-ايدان 16-ايعا دەيىنگى سابيلەردى باقىلادى. قاتىسۋشىلارعا 3 ءتۇرلى ويىنشىقتار بەرىلەدى: ءبىرىنشى توپقا ەلەكتروندىق (بالالارعا ارنالعان نوۋتبۋكتەر، ۇيالى تەلەفوندار) ، ەكىنشى توپقا ءداستۇرلى ويىنشىقتار (پازلدار، كۋبيك، پرياميدا) ، سونداي- اق كەلەسى توپقا جانۋارلاردىڭ، گەومەتريالىق فيگۋرالار سالىنعان كىتاپتار بەرىلدى. اتا- انالار كەزەكتەسىپ بالانى ارقايسىسىمەن ويناتىپ شىققان.

ناتيجەسىندە ەلەكتروندىق ويىنشىقتارمەن ويناعاندا بالالار اتا- انالارىنىڭ سوزدەرىن دۇرىس ەلەمەي، سوزدەردى ازداۋ ەستە ساقتايدى. ال پيراميدالارمەن، پازلدارمەن ويناعان بالالار كەرىسىنشە كوبىرەك ءسوزدى ۇعىپ وتىرعان. ءىرى سۋرەتتەرى بار كىتاپتار دا وڭ اسەر ەتكەن.

 عالىمدار اتا- انالارعا بالانىڭ تانىمدىق دەڭگەيىن كەڭەيتۋگە ارنالعان ويىنشىقتار مەن سۋرەتتى كىتاپتار بەرگەن دۇرىس دەگەن كەڭەس ايتادى. سونداي- اق قازىرگى كەزدە بالالاردىڭ تۇيىقتىعى، ەسكە ساقتاۋ قابىلەتىنىڭ تومەندەۋى كوپ جاعدايدا ەلەكتروندى ويىنشىقتارعا ونىڭ ىشىندە پلانشەتتەرگە بايلانىستى دەپ ەسەپتەيدى.