10:21, 27 - جەلتوقسان 2015 | GMT +5
عالامشارداعى ەڭ تولىق ادام قايتىس بولدى
استانا. قازاقپارات - مەكسيكاداعى وبرەگون قالاسىندا عالامشارداعى ەڭ تولىق ەر ادام بولىپ سانالاتىن 38 جاستاعى اندرەس مورەنو قايتىس بولدى.
شەتەلدىك ب ا ق- تىڭ حابارلاۋىنشا، ونىڭ كوز جۇمۋىنا ينفاركت سەبەپ بولعان.
مورەنونىڭ سالماعى 444 ك گ بولعان. قازان ايىندا وعان دەنەسىندەگى مايدىڭ ءبىراز بولىگىن الىپ تاستاۋ ءۇشىن وتا جاسالدى. سوندان كەيىن دارىگەرلەر وعان تاعى ءبىر وتا جاساعان. كەلەسى ايدا مورەنو سالماق جوعالتا باستاعان، جالپى 30 ك گ سالماق تاستاعان. جەلتوقسان ايىندا وعان دارىگەرلەر اۋرۋحانادان شىعىپ، ۇيىنە بارۋعا رۇقسات بەرەدى. بىرنەشە كۇن وتكەن سوڭ ءوزىن ول ءوزىن جايسىز سەزىنىپ، اۋرۋحاناعا كەلە جاتقان جولدا ينفاركت الىپ، جان تاپسىرعان.
