12:20, 26 - جەلتوقسان 2015 | GMT +5
بولات ءمۇرسالىمنىڭ «الاش اۆتونومياسىنىڭ اسكەرى» اتتى كىتاپتىڭ تۇساۋى كەسىلدى
استانا. قازاقپارات - الماتىدا ادەبيەتتانۋشى، جۋرناليست بولات ءمۇرسالىمنىڭ جاڭادان شىققان «الاش اۆتونومياسىنىڭ اسكەرى» اتتى كىتابىنىڭ تۇساۋى كەسىلدى.
بۇل تۋرالى 31 ارنا حابارلادى.
1917 -جىلدىڭ 25- جەلتوقسانىندا ءاليحان بوكەيحان ءتوراعالىق ەتكەن الاشوردا ۇكىمەتىنىڭ ۇلتتىق اسەرىن جاساقتاۋ تۋرالى قاۋلى شىققان.
قازاق جەرىنىڭ ءار ايماعىنان قۇرالعان جاۋىنگەرلەر قازاق اۆتونومياسىنىڭ ىرگەتاسىن بەكىتۋدە اسا ۇلكەن ماڭىزعا يە بولدى. دەگەنمەن، اۆتونوميا اسكەرىن جاساقتاۋ وڭايعا سوقپاعان. ءۇش تىلدە جازىلعان سۋرەتتى البومعا ەنگەن الاش وفيتسەرلەرىنىڭ پورترەتتەرى قويىلعان. اۆتور اسكەريلەردىڭ سۋرەتتەرىن شاڭ باسقان ارحيۆتەردەن ەكى جىل بويى ىزدەگەنىن ايتادى.
«الاش اۆتونومياسىنىڭ اسكەرى دەگەن ءبىر جاعىنان عىلىمي نەگىزگە سۇيەنىپ دايىندالعان، بولعانىمەن ءبىر جاعىنان كوپشىلىككە ارنالعان سۋرەتتەرمەن فوتولارمەن بەزەندىرىلگەن جيناق»، - دەدى بولات ءمۇرسالىم.
