عالىمدار الكوگول مەن ءتاتتى زاتتار اۋەستىگىن جوياتىن گورموندى تاپتى

استانا. قازاقپارات - جاڭا جىل مەرەكەسى كۇنى ءار ءۇيدىڭ داستارحانى ءتاتتى جانە مايلى تاماقتارعا تولىپ تۇرادى.

ونداي تاعامداردى مولشەردەن تىس كوپ جەگەننىڭ زياندى سالدارى بولۋى مۇمكىن. كەيبىر ادامداردىڭ دەنساۋلىعى تىپتەن ونداي تاعامداردى كوتەرمەيدى، دەپ حابارلايدى BNews.kz.

بۇل قۇبىلىس كوپتەن بەرى عالىمداردىڭ نازارىندا. الايدا، وسى ۋاقىتقا دەيىن اعزاداعى ءتاتتى تاعامدارعا دەگەن اۋەستىكتى وياتاتىن پروتسەسس بارىسى انىقتالماي كەلدى. بيولوگيا عىلىمىنىڭ اياسىندا ادامداردىڭ قانتقا اۋەستىگىن تومەندەتۋگە بولاتىنى بەلگىلى بولدى.

ايوۆا ۋنيۆەرسيتەتىندەگى زەرتتەۋشىلەر كومانداسى FGF21 گورمونى اعزاداعى كومىرسۋ دەڭگەيىنە جاۋاپ بەرەتىنىن انىقتادى. بۇل گورمون ميعا اسەر بەرىپ، قانتقا دەگەن اۋەستىكتى باسا الادى.

بۇل جاڭالىق سۋسامىر جانە سەمىزدىك اۋرۋلارىن ەمدەۋدە جاقسى جەتىستىكتەرگە جەتكىزۋى مۇمكىن.

ايتا كەتەرلىگى، FGF21 گورمونى الكوگول اۋەستىگىن دە توقتاتا الادى. جوعارىدا ايتىلعان زەرتتەۋلەر ناتيجەسى Cell Metabolism باسىلىمىنداعى ەكى عىلىمي ماقالادا تولىق جازىلعان.