ەر ادامنىڭ قۋاتىن تۇنشىقتىرماڭىز

استانا. قازاقپارات. 1) ءوزىڭىز نە قالايتىنىڭىزدى الدىن الا انىقتاڭىز، بويجەتكەن! «ىشىمدەگىنى تاپ» دەگەن تىلەك ەركەككە دە، عالامعا دا جۇرمەيدى.
None
None

ءوزىڭىزدىڭ شىن قالاۋىڭىزدى ايتۋعا سەسكەنسەڭىز، سول ءۇشىن تاستاپ كەتەدى دەپ ۇرەيلەنسەڭىز، وندا ءسىز تىلەگىڭىزدى ايتساڭىز دا، ايتپاساڭىزدا ول ءبارىبىر تاستاپ كەتەدى. ءبىراق! ەگەر ءسىزدىڭ تىلەگىڭىزگە جوق دەسە، جوقتى وڭ قاباقپەن قابىلداڭىز، تۇسىنۋگە تىرىسىڭىز. جوق دەگەندى ەستۋگە ىشتەي دايىندالىڭىز، الايدا ونى سۇيە ءبىلىڭىز. سۇيىسپەنشىلىگىڭىز ءبىر رەت جوق دەگەننەن تۇگەسىلىپ قالماسىن. وندا ونىڭ ماحاببات بولماعانى، جاي عانا پايدالانۋ بوپ كەتپەسىن...

 2) نازىكتىك. كوزگە ءتۇسۋ، تەلەفوندا بەس ساعات سويلەسۋ، جاساندى مايىسۋ، ءتىلالعىش بولۋ ەمەس. نازىكتىك دەگەن نازىك بولۋ، ءسۇيۋ، ءوز ماقساتىڭ مەن تىلەگىڭدى ءتۇسىنۋ، كەي كەزدە ءوز شەشىمىڭە بەرىك بولۋ، قۇندىلىقتاردى ءتۇسىنۋ. ىشتەي نازىك بولىڭىز. سىرتىڭىز سوعان ساي تارتىلادى. لايىقتانادى.

 3) ەركەكتى ءوز تەرريتورياڭىزعا كىرگىزبەڭىز. قارىزعا اقشا بەرمەڭىز. بىرگە بارعان جەرلەرگە ءبولىپ اقشا تولەمەڭىز. وندا ءسىز ول ەركەكتىڭ تابىسىن وزىڭىزگە اۋدارىپ الاسىز. جالپى العاندا بۇل جامان ەمەس. ەگەر ءوزىڭىز وتباسىنىڭ باسى بولعىڭىز كەلسە. وندا جانىڭىزداعى ەرىڭىز قىزعا اينالادى.

4) قىزدار، سەندەر سونداي اقىلدىسىڭدار! وعان ەشكىم كۇمان كەلتىرمەيدى. تىم اقىلدى قىزدار جانىنداعى جىگىتىنىڭ اقىلىن وزىنە تارتىپ الادى. قىز اقىلدى بولعان سايىن، جىگىت اقىمقاقتانا بەرەدى. دەپ سەنىپ قالماڭىز. ءبىراق قىزعا سولاي كورىنە بەرەرى ءسوزسىز...

 5) ايدىڭ اسەرىنەن قۇتىلىپ وتىرۋ كەرەك. ول ەسكى زاماننىڭ سارقىنشاعى. قازىر مۇلدە جاڭا قۋات پەن جاڭا ۋاقىت كەلدى. نازىكتىك بارىنەندە تاۋەلسىز. ول عالامدى جايلاپ جاتىر. جەردىڭ جاساندى سەرىگىنە تاۋەلدى بولۋىن قويعالى قاشان...

6) ءوز ءتانىڭدى جاقسى كور. ادامنىڭ ءتانى - ونىڭ ويىنىڭ سيپاتتاماسى. كەشىرىڭىزدەر... ونى جاقسى كورمەۋ تازا اقىماقتىق. جەك كورۋ تايازدىق. ءوزىڭ جاساپ العان ءتانىڭدى جاقسى كورمەۋ دەگەن وزىڭە قيانات. بىردەڭەنى وزگەرتۋ ءۇشىن الدىمەن ونى جاقسى كورۋ كەرەك. ايتپەسە، وزگەرتەم دەپ سىندىرىپ الاسىز...

7) وزگە ايەل زاتىنا سىيلاستىقپەن قاراڭىز، ولاردى قۇربى، تىلەۋلەس جان دەپ قابىلداڭىز. وزگە ايەلدەرگە دەگەن جەك كورۋشىلىك بولسا، وندا ءوز بولمىسىڭىزداعى نازىكتىكتى بۇلدىرگەنىڭىز. ءوزىڭىزدى جاقسى كورىڭىز. وزگەنى دە سىيلاڭىز.

 (س) الەنا برانديس

اۋدارعان شىنار ءابىلدا

 

سوڭعى جاڭالىقتار