سىرتىندا «انگلياعا» دەگەن مەكەنجايى عانا جازىلعان حات دىتتەگەن جەرىنە جەتكىزىلدى

بۇل حاتتى الۋشى پول بيگگس وعان پوشتاشى ەسىك قاعىپ، بيتبۋرگ قالاسىنداعى نەمىس دوستارى جولداعان قۇتتىقتاۋ اشىقحاتىن اكەلگەندە تاڭدانىسىن جاسىرمادى.
«بۇعان سەنۋ قيىن. كونۆەرتتىڭ مەكەنجايىندا ەلدىڭ اتاۋى - انگليا عانا كورسەتىلگەن جانە ول بيتبۋرگتەگى پوشتا بولىمشەسىنەن جىبەرىلگەنى عانا جازىلعان»، - دەدى تاڭدانعان حاتتى الۋشى.
Royal Mail پوشتا كومپانياسى «مەكەنجايدى انىقتايتىن دەتەكتيۆتەرى» بولعانىمەن، بۇل جاعداي جوعارى كاسىبي بىلىكتىلىكتى ايعاقتايتىنىن مالىمدەدى.
بيگگستىڭ ايتۋىنشا، حاتتى ونىڭ دوستارى دۇيسەنبى كۇنى جىبەرگەن، ال ول سارسەنبى كۇنى تاڭەرتەڭ جەتكىزىلگەن.
«ول ماعان پوشتامدى بەرە وتىرىپ، «گەرمانيادان ەشتەڭە كەلمەۋشى مە ەدى؟» دەپ سۇرادى، مەن: «مۇمكىن. وندا ءبىزدىڭ دوستارىمىز بار»، دەپ جاۋاپ بەردىم»، - دەيدى بيگگس.
ول ماعان «مىنا حاتتى قاراڭىزشى» دەدى. قاراسام، ونىڭ كەرى مەكەنجايىندا دوستارىمىز كورسەتىلگەن. ال بەتىندە «انگليا» دەگەن ءسوز عانا جازىلعان.
بيگگستىڭ ايتۋىنشا، كونۆەرت اشىلماعان.
«مەن «بۇل حاتتىڭ ماعان ارنالعانىن قالاي بىلدىڭدەر؟»، دەپ سۇرادىم. ول: «مەن بۇل حاتپەن ءۇي- ءۇيدى ارالاپ شىقتىم» دەپ جاۋاپ قايتاردى»، - دەيدى بيگگس.
«ءبىز ايەلىمىز ەكەۋمىز تاڭعالدىق، ەندى ءبىز پوشتا قىزمەتىن جوعارى باعالايتىن بولامىز جانە بۇل وقيعا بىزگە روجدەستۆولىق سىيلىق بولدى»، - دەدى ول.
اۋەلدە كونۆەرتتە تولىق مەكەنجاي جازىلعان ءتارىزدى، سونىڭ ارقاسىندا انگليانىڭ ءتيىستى جەرىنە جەتكەن، ءبىراق تا كەيىننەن مەكەنجاي جازىلعان ستيكەردىڭ جەلىمى اشىلىپ، ۇشىپ كەتكەن، دەپ حابارلايدى BBC.