اتىراۋدا ءۇش بالانىڭ اناسى پاتەرىن قايتارىپ الۋ ءۇشىن ءبىر جارىم جىل سوتتاستى

استانا. قازاقپارات - اتىراۋ قالالىق سوتى ا. ورالبايەۆانىڭ تالاپ- شاعىمى بويىنشا ي. احمەتوۆاعا پاتەر ساتۋ-ساتىپ الۋ شارتىن جارامسىز دەپ تانۋ جونىندەگى ءىس قارالدى.

وبلىستىق سوتتىڭ باسپا ءسوز قىزمەتى حابارلاعانداي، تالاپكەر ا. ورالبايەۆا 2014 -جىلعى 25 -ماۋسىمدا جاۋاپكەرگە اتىراۋداعى پاتەرىن 8468000 تەڭگەگە ساتقان.

الايدا جاۋاپكەر شارت بويىنشا مىندەتتەمەلەرىن ورىنداماعان. ياعني تاراپتار اراسىندا اقشا الىس- بەرىسى بولماعان. ءوز كەزەگىندە تالاپكەر بەلگىلەنگەن مەرزىمدە پاتەردى بوساتقان. وعان قاراماستان، جاۋاپكەر بانكىگە ۇسىنۋ ءۇشىن قاجەت دەگەن سىلتاۋمەن تالاپكەردەن 8468000 تەڭگەگە قولحات العان.

جاۋاپكەردىڭ الاياقتىق ارەكەتتەرىنە بايلانىستى ا. ورالبايەۆا كامەلەتكە تولماعان ءۇش بالاسىمەن ءۇي- كۇيسىز قالعان.

سوت ساتۋ-ساتىپ الۋ شارتىن جانە قولحاتتى جارامسىز دەپ تانىدى.

سوت شەشىمى زاڭدى كۇشىنە ەندى.