تەرەزەدەن بالالارىن لاقتىرىپ جىبەرگەن الماتىلىق ايەلدى سوت ءماجبۇرلى ەمدەلۋگە جولدادى

استانا. قازاقپارات - الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى كوپقاباتتى ءۇيدىڭ بەسىنشى قاباتىنان بالالارىن لاقىتىرىپ جىبەرگەن ج. قۇلمامىروۆاعا قاتىستى قىلمىستىق ءىستى قارادى.

بۇل تۋرالى قالالىق سوتتىڭ باسپا ءسوز قىزمەتى حابارلادى.

ەسكە سالا كەتەيىك، ج. قۇلمامىروۆا وسى جىلعى 5 -قىركۇيەكتە ەسىنەن ايىرىلعان جاعدايدا جالداپ وتىرعان بەسىنشى قاباتتاعى پاتەرىنىڭ بالكونىنان ءوزىنىڭ كىشكەنتاي بالالارىن لاقتىرىپ جىبەرگەن. كىشى قىزى اۋىر دەنە جاراقاتىن الىپ، ءتىرى قالدى. ۇلكەن قىزى قۇلاعان جەرىندە جان تاپسىردى. بۇدان كەيىن ج. قۇلمامىروۆانىڭ ءوزى دە تەرەزەدەن سەكىردى، ءبىراق تا ءتىرى قالعان.

سوتتالۋشى ق ر قىلمىستىق كودەكسىنىڭ 3- ءبولىمى 24-بابىندا، 2- ءبولىمىنىڭ 99-بابىنداعى 3-، 5- جانە 14- تارماقتارىندا (ەكى جانە ودان دا كوپ كامەلەتكە تولماعان ادامداردى كورىنەۋ قاساقانا ولتىرۋگە وقتالۋ)، 2- ءبولىمىنىڭ 99-بابىنىڭ 1-، 3-، 14- تارماقتارىندا (كورىنەۋ دارمەنسىز جاعدايداعى ەكى جانە ودان دا كوپ ادامداردى جانە كامەلەكەتكە بولماعانداردى قاساقانا ءولتىرۋ) كوزدەلگەن قىلمىستار جاساۋعا ايىپتالىپ، سوت الدىندا جاۋاپ بەردى.

سوت الدىنداعى تەرگەۋ بارىسىندا سوت- پسيحولوگيالىق ساراپتاما وتكىزىلدى، ول ج. قۇلمامىروۆا قىلمىس جاساعان ساتتە جۇيكەسى جۇقارىپ، ەسۋاستىق جاعدايعا تۇسكەنى تۋرالى قورىتىندى بەردى.

سوت قاۋلىسىمەن ج. قۇلمامىروۆا قاتاڭ باقىلاۋمەن جۇيكە اۋرۋلارى ستاتسيونارىنا ءماجبۇرلى تۇردە ەمدەلۋگە جىبەرىلدى.