زەينەتكەرلىك جاسقا تولۋىنا بايلانىستى ءبىرقاتار ەلشىلەر قىزمەتتەرىنەن بوساتىلدى
بۇل تۋرالى اقوردانىڭ باسپا ءسوز قىزمەتىنەن حابارلادى.
مەملەكەت باسشىسىنىڭ جارلىعىمەن «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنا سايكەس زەينەتكەرلىك جاسقا تولۋىنا بايلانىستى:
ءبورىباي بيقوجا ۇلى جەكسەمبين قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن؛
باقىتجان وردابايەۆ قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ ارگەنتينا رەسپۋبليكاسىنداعى، چيلي رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان؛
زاۋىتبەك قاۋىسبەك ۇلى تۇرىسبەكوۆ قازاقستان رەسپۋبليكاسىنىڭ ۋكرايناداعى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ مولدوۆا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى.
