قازاقستاندىق تەلەارنالار جاڭا جىلدا نە كورسەتەدى؟
«قازاقستان»
«قازاقستان» ۇلتتىق تەلەارناسى جاڭا جىل قارساڭىندا مەرەكەلىك تەلەباعدارلاما ازىرلەدى، ول 31- جەلتوقسان كۇنى تاڭەرتەڭ ساعات 07:00 دەن باستاپ «تاڭشولپان» باعدارلاماسىمەن ەفيرگە شىعادى. باعدارلاماعا قوناق رەتىندە 2015-جىلى ءتۇرلى سالادا جەڭىمپاز اتانعاندار، ەسترادا جانە سپورت جۇلدىزدارى قاتىسادى. تەلەارنا مەرەكە كۇنى ءۇزىلىسسىز كىمدەردىڭ جۇمىس ىستەيتىنىن ايتادى. كورەرمەندەر تەمىرجول قىزمەتكەرلەرىمەن، 118 انىقتامالىق قىزمەتىنىڭ ماماندارىمەن، اۆتوبۋس كوندۋكتورلارىمەن جانە وزگەلەرمەن تانىسا الادى.
اۆتورلىق باعدارلامالاردان وزگە، ساعات 16:05 تە تۇرسىنبەك قاباتوۆتىڭ مەرەكەلىك «ءازىل الەمى» باعدارلاماسى كورسەتىلەدى. ساعات 20:45 تە جاڭاجىلدىق «تۇنگى ستۋديادا نۇرلان قويانبايەۆ» باعدارلاماسى باستالىپ، ادەتتەگىدەي 30 مينۋت ەمەس ۇزاقتىعى 1 ساعاتقا جالعاسادى.
ستۋدياعا جاس اكتەر تاۋەكەل ءمۇسىلىم مەن «قازاقستان ارۋى-2015» ءاليا مەرگەنبايەۆا قوناققا كەلەدى، ال باعدارلامانىڭ جۇرگىزۋشىسى ولاردىڭ بالا كەزگى ارماندارىن ورىندايدى. مەرەكەلىك كەشتى ساعات 22:00 دە «تورلەت جاڭا جىل» باعدارلاماسى اشادى، ول استانانىڭ اۋەجايىنداعى تۇسىرىلىمنەن باستالادى. ەسترادا جۇلدىزدارى ارنايى «تەرمينالدان» ءوتىپ، باستى مەرەكەگە كەلەدى.
تۇرسىنبەك قاباتوۆ قازاقستاننىڭ ەڭبەك سىڭىرگەن قايراتكەرى دوسىمجان تاڭاتاروۆتى ەلوردا اۋەجايىندا قارسى الىپ تۇر.
«حابار»
«حابار» تەلەارناسى مەرەكەلىك شىعارىلىمدى 30- جەلتوقساندا باستايدى. ساعات 21:30 دا «ۇلتتىق وليمپيادا كوميتەتى سىيلىعىن» تابىس ەتۋ شاراسى كورسەتىلەدى. ەكى ساعات بويى كورەرمەندەر سپورت جۇلدىزدارىنىڭ سىيلىقتى قالاي العاندارىن كورىپ قانا قويماي، ساحنا سىرتىندا نە بولىپ جاتقانىن تاماشالاي الادى. شارانى نۇرتاس ادامبايەۆ جۇرگىزەدى.
ەرماحان ىبرايىموۆ سەرىك ساپيەۆكە سىيلىقتى تابىس ەتەدى.
31- جەلتوقسان كۇنى كەشكە تەلەارنا ءوز كورەرمەندەرىنە جاڭاجىلدىق ميۋزيكلدى ۇسىنادى. ساعات 19:00 دە - «سىيلىق» جانە «پازلى سچاستيا» باعدارلامالارى ەفيرگە شىعادى. كارتينادا دينارا باقتىبايەۆا، تاۋەكەل ءمۇسىلىموۆ، نۇرلان ءالىمجانوۆ، اسەل اقباروۆا، شەر ءالي، قىمبات حانگەلدينا جانە وزگەلەر وينايدى. فيلمنىڭ مۋزىكالىق بولىمىنە قازاقستاندىق ەسترادا جۇلدىزدارى روزا رىمبايەۆا، ءالي وقاپوۆ، بۇركىت، ديلناز احماديەۆا، ماقپال يسابەكوۆا، جانار دۇعالوۆا، «وردا» توبى جانە تاعى دا باسقالار قاتىسادى.
سەرىك يبراگيموۆ «سىيلىق» ميۋزيكلىندەگى داياشى رولىندە.
«ك ت ك»
ك ت ك تەلەارناسى جاڭا جىل قارساڭىندا «شىمكەنت شوۋ» تەاترىنىڭ مەرەكەلىك كونسەرتىن نازارعا ۇسىنادى، بۇل ۇجىمعا 10 جىل بولدى. كەش ساعات 16:00 دەن باستاپ كورسەتىلەدى، ال 20:20 دا باتىرحان شۇكەنوۆتى ەسكە الۋعا ارنالعان «باتىر Lives» كونسەرتى باستالادى جانە ول قازاقستان پرەزيدەنتى نۇرسۇلتان نازاربايەۆتىڭ قۇتتىقتاۋىنا دەيىن جالعاسادى. ال 1- قاڭتار كۇنى ساعات 18:40-تا قايرات نۇرتاستىڭ «مەن عاشىقپىن» اتتى كەشى باستالادى. كەش قوناقتارى - تيماتي، نيۋشا، ينديرا ەلەمەس، سەرگەي لازاريەۆ جانە «رەفلەكس».
«31- ارنا»
«31- ارنا» ساعات 10:00 دەن باستاپ جاڭاجىلدىق «ادەلمەن بىرگە اس ازىرلەيمىز» جوباسىن نازارعا ۇسىنادى. ارنايى شىعارىلىمدا جۇرگىزۋشى جاڭاجىلدىق اسپازدىق توسىن سىيلاردى كورسەتەدى. ساعات 20:00 دە «دوم ۆەسى 2» جوباسىنىڭ فينالدىق شىعارىلىمى ۇسىنىلادى. جاڭا جىل كەشىندە كورەرمەندەر بۇل شوۋدىڭ جەڭىمپازىن بىلە الادى. فيناليستەردى ايجان نۇرماعانبەتوۆا، ديانا شاراپوۆا جانە «91» توبى قۇتتىقتايدى.
ساعات 22:00 دە جاڭاجىلدىق «بۋراباي ءازىل-فەست» - «31 ءازىل» فەستيۆالى باستالادى. وعان قاتىسۋشىلاردىڭ اراسىندا ايدانا مەدەنوۆا، بەيبىت كۇشقاليەۆ، ايقىن، اشا ماتاي، كەنتال، سەرىك يبراگيموۆ، لۋينا، ءتورالى، مادينا ءسادۋاقاسوۆا، مارجان اراپبايەۆا، داستان ورازبەكوۆ، اقىلبەك جەمەنەي جانە تاعى دا باسقالار بار.
«استانا»
بيىل «استانا» تەلەارناسىندا مەرەكەلىك كەش «جاپ-جاڭا جىل-2016. ەۆوليۋتسيا» دەپ ەرەكشە اتالىپ، وعان ەلىمىزدىڭ جۇلدىزدارى قاتىسادى. كونسەرت شەڭبەرىندە جۇرگىزۋشى بايان ەسەنتايەۆا «قالاي سۋپەر جۇلدىز بولۋعا بولادى» دەگەن تاقىرىپتا شەبەرلىك ساباعىن وتكىزەدى. ال نۇرداۋلەت شەرتىم رەجيسسەردىڭ رولىندە ويناپ، بەلگىلى «توي جىرى» باعدارلاماسىنىڭ گولليۆۋدتىق نۇسقاسىن تۇسىرەدى. باستى رولدە، كۇيەۋ جىگىت - ءالي وقاپوۆ. قازاقتىڭ ۇيلەنۋ تويىن قالاي ءتۇسىردى؟ جاۋابىن 31- جەلتوقساندا بىلە الاسىزدار.
«جەتىنشى ارنا»
31- جەلتوقسان كۇنى كەشكە «جەتىنشى ارنا» كورەرمەندەرىن جاسىن قانبايەۆ «اينا online« باعدارلاماسىندا كۇتەدى. باعدارلامادا قىزىقتى جاڭاجىلدىق ۆيدەوروليكتەر كورسەتىلەدى. ودان كەيىن «شاي ىشەيك» باعدارلاماسىمەن نۇريددين بيدوسوۆ ەفيرگە شىعادى. سونىمەن قاتار، 48 ساعات بويى ءتۇرلى كونسەرتتەر مەن باعدارلامالار كورەرمەنگە جول تارتادى.
«ەۋرازيا»
«ەۋرازيا» تەلەارناسىندا مەرەكەلىك كەش ساعات 22:35 تەن «ءبىرىنشى ارناداعى جاڭا جىل ءتۇنى» كونسەرتتىك باعدارلاماسىمەن باستالادى جانە ءتورت ساعاتتان ارتىق ۋاقىت بويى بولادى. سونىمەن قاتار، كورەرمەندەر جاڭا جىلعا ارنالعان كەڭەستىك كومەديالاردى تاماشالاي الادى.
«س ت ۆ» تەلەارناسى
س ت ۆ تەلەارناسىنىڭ مەرەكەلىك كەشىندە «جۇلدىزدى اۋەندەر» كونسەرتى ۇسىنىلادى، ول 31- جەلتوقساندا ساعات 23:00 دە باستالادى. باعدارلامانىڭ باستالۋىنا جارتى ساعات قالعاندا كورەرمەندەر قازاقستاندىق ەسترادا جۇلدىزدارىنىڭ قۇتتىقتاۋىن كورە الادى. ال كەلەسى كۇنى ساعات 21:00 دە «جۇلدىز FM- مەن ءبىر جىل بىرگە» باعدارلاماسى باستالادى.
